Mužčyna, što z nažom i ŭ trusach uvarvaŭsia ŭ minskuju kramu, kazaŭ niešta pra zryŭ śpiecapieracyi. VIDEA znutry
Učora staličnaja milicyja vyjechała na vyklik: u kramie pa vulicy Janki Bryla ŭ Minsku znachodziŭsia mužčyna z nažom u rukach. Minaki źniali momant, jak, padobna, jaho rychtavalisia zatrymać, piša Onliner.by.
Jak udakładniajuć u milicyi, da momantu prybyćcia supracoŭnikaŭ viedamstva 36-hadovy mužčyna pa-raniejšamu znachodziŭsia ŭ kramie i trymaŭ u rukach nož. Paviedamlajecca, što mužčynu dastavili ŭ balnicu.
Paśla publikacyi naviny čytač Onliner.by dasłaŭ videa, źniataje, ź jahonych słoŭ, unutry kramy. Jon udakładniŭ adras: dziejańni adbyvajucca na vuł. Ja. Bryla, 30.
Na zapisie vidać, jak mužčyna sapraŭdy chodzić pa zale z nažom u rukach i, padobna, u spodnim. Ciažka razabrać, što kankretna jon kaža: pačuli niešta pra «zryŭ śpiecapieracyi». U niejki momant u dyjałoh ź im sprabuje ŭstupić inšy mužčyna, jaki znachodzicca ŭ kramie. Adnak žanočyja hałasy prosiać apošniaha nie pravakavać nieznajomca z nažom.
Dziŭna, što pakupniki ŭvieś hety čas praciahvajuć zachodzić u kramu, nie biantežačysia taho, što adbyvajecca. Jak udakładniaje aŭtar videa, mužčynu z nažom zatrymlivali čaćviora milicyjantaŭ.
Byłoha supracoŭnika kontrraźviedki KDB aryštavali za zdradu dziaržavie9
Kamientary