Nutella padaražeje? Ceny na funduk padskočyli na 30% z-za nieŭradžaju
Z-za viasnovych zamarazkaŭ ceny na funduk u Turcyi z krasavika pa lipień vyraśli na 20-30%. Prablema ŭ tym, što na hetuju krainu prypadaje kala 65% suśvietnaj vytvorčaści funduka.
Značnaja častka funduka vykarystoŭvajecca ŭ vytvorčaści šakaładnaj pasty i inšych prysmakaŭ, piša Office Life sa spasyłkaj na Bloomberg.
Najbujniejšyja eksparciory Turcyi aceńvajuć źnižeńnie vytvorčaści ŭ biahučym hodzie jak minimum na 20%, da 609 tysiač ton. Jość acenki, što z-za śpiekulatyŭnaha popytu ceny na syravinu da nastupnaha hoda mohuć vyraści ŭ niekalki razoŭ.
Alternatyŭnyja pastaŭki ź Italii, ZŠA i Čyli nie zmohuć całkam kampiensavać źnižeńnie ŭradžaju ŭ Turcyi, pakolki ŭ hetych krainach pieravažajuć drobnyja vytvorcy ź nievialikimi abjomami, prakamientavali ŭ mižnarodnym Saviecie pa arechach i suchafruktach.
Zakłapočanaść situacyjaj užo vykazała italjanskaja kampanija Ferrero SpA. Jana źjaŭlajecca najbujniejšym u śviecie pakupnikom funduka (prykładna čverć tureckaha ekspartu) i vyrablaje pastu Nutella, u jakoj 13% ad usich inhredyjentaŭ składaje funduk.
Vytvorcam kandytarskich vyrabaŭ i šakaładu ŭ apošni čas nie pazajzdrościš. Uvieś minuły hod u śviecie raśli ceny na kakava-baby.
Ciapier čytajuć
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha1313
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha13
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam5656
Kamientary