Pačaŭsia Budsłaŭski fest. Sioleta tam adbudziecca asablivaja padzieja
U feście biaruć udzieł dźvie tysiačy viernikaŭ z usioj Biełarusi.
U sanktuaryi Maci Božaj Budsłaŭskaj startavaŭ Budsłaŭski fest, hałoŭnaja katalickaja pilihrymka Biełarusi. Sioleta ŭ feście biaruć udzieł dźvie tysiači pilihrymaŭ z usioj krainy.
Śviatuju Imšu siońnia ŭznačaliŭ biskup Andrej Znoska. Pilihrymaŭ u Budsłavie taksama sustrakaŭ Mitrapalit Minska-Mahiloŭskaj archijeparchii Rymska-katalickaj carkvy ŭ Biełarusi Iosif Stanieŭski. Zvyčajna na fest źjazdžajucca ŭsie katalickija biskupy Biełarusi.
Da sanktuaryja ŭžo pryjšli i pryjechali na viełasipiedach pilihrymki ź Minska, Lidy, Žodzina, Rakava, Połacka, Rosicy, Naračy, Hłybokaha, Vilejki, Miadzieła, Maładziečna, Baranavič, Smarhoni, Pastavaŭ. Na hety momant prybyli bolš za 1,7 tysiačy čałaviek. Vierniki pradaŭžajuć iści, piša BiełTA.
Budsłaŭski fest prachodzić 4 i 5 lipienia pad devizam «Božaja miłasernaść — daviarajem tabie». U pieršy dzień festu u 21.00 pačniecca Chresny šlach, u 23.30 — pracesija z kopijaj abraza Maci Božaj Budsłaŭskaj, paśla čaho roŭna apoŭnačy — Bohasłužeńnie.
Hetym razam padčas festu adbudziecca asablivaja padzieja: paśviačeńnie Minska-Mahiloŭskaj mitrapolii Božaj miłasernaści i Biezzahannamu Sercu Najśviaciejšaj Panny Maryi.
Tranślacyju asnoŭnych mierapryjemstvaŭ festa možna hladzieć na kanale Nacyjanalnaha sanktuaryja.
Nahadajem, što ŭ 2018 hodzie Budsłaŭski fest byŭ uklučany ŭ śpis niemateryjalnaj kulturnaj spadčyny JUNIESKA.
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier77
Kamientary