Пачаўся Будслаўскі фэст. Сёлета там адбудзецца асаблівая падзея
У фэсце бяруць удзел дзве тысячы вернікаў з усёй Беларусі.
У санктуарыі Маці Божай Будслаўскай стартаваў Будслаўскі фэст, галоўная каталіцкая пілігрымка Беларусі. Сёлета ў фэсце бяруць удзел дзве тысячі пілігрымаў з усёй краіны.
Святую Імшу сёння ўзначаліў біскуп Андрэй Зноска. Пілігрымаў у Будславе таксама сустракаў Мітрапаліт Мінска-Магілёўскай архіепархіі Рымска-каталіцкай царквы ў Беларусі Іосіф Станеўскі. Звычайна на фэст з'язджаюцца ўсе каталіцкія біскупы Беларусі.
Да санктуарыя ўжо прыйшлі і прыехалі на веласіпедах пілігрымкі з Мінска, Ліды, Жодзіна, Ракава, Полацка, Росіцы, Нарачы, Глыбокага, Вілейкі, Мядзела, Маладзечна, Баранавіч, Смаргоні, Паставаў. На гэты момант прыбылі больш за 1,7 тысячы чалавек. Вернікі прадаўжаюць ісці, піша БелТА.
Будслаўскі фэст праходзіць 4 і 5 ліпеня пад дэвізам «Божая міласэрнасць — давяраем табе». У першы дзень фэсту у 21.00 пачнецца Хрэсны шлях, у 23.30 — працэсія з копіяй абраза Маці Божай Будслаўскай, пасля чаго роўна апоўначы — Богаслужэнне.
Гэтым разам падчас фэсту адбудзецца асаблівая падзея: пасвячэнне Мінска-Магілёўскай мітраполіі Божай міласэрнасці і Беззаганнаму Сэрцу Найсвяцейшай Панны Марыі.
Трансляцыю асноўных мерапрыемстваў фэста можна глядзець на канале Нацыянальнага санктуарыя.
Нагадаем, што ў 2018 годзе Будслаўскі фэст быў уключаны ў спіс нематэрыяльнай культурнай спадчыны ЮНЕСКА.
Цяпер чытаюць
На вайне ва Украіне загінуў былы дырэктар двух аршанскіх заводаў4
Каментары