Курсанты Разанскага вучылішча паветрана-дэсантных войск забілі свайго сяржанта, пашкодзіўшы яго парашут
Курсанты Разанскага вышэйшага вучылішча паветрана-дэсантных войскаў імя генерала В.П. Маргелава забілі свайго камандзіра, звязаўшы стропы яго парашута. У выніку ён разбіўся, піша ВЧК-ОГПУ.
3 чэрвеня 2025 года падчас вучэбных скачкоў загінуў намеснік камандзіра ўзвода Разанскага вучылішча сяржант Селін І.А. Было ўстаноўлена, што пучкі строп асноўнага і запаснога парашутаў былі кімсьці звязаныя адрэзкамі вяроўкі ад грузавога парашута такім чынам, каб не даць купалам парашутаў раскрыцца.
Праз два дні ў злачынстве раптоўна прызнаўся і ўзяў усю віну на сябе курсант Казанцаў І.В.
Як гаворацца ў пастанове пра завядзенне крымінальнай справы, падчас службы Селін, «карыстаючыся службовым становішчам, сістэматычна прыніжаў іншых курсантаў, у тым ліку Казанцава. Выкарыстоўваў нецэнзурную лаянку, фізічны і псіхалагічны ціск, у тым ліку супраць тых, хто не выконваў ягоных асабістых указанняў. Казанцаў неаднаразова сутыкаўся з такімі дзеяннямі з боку Селіна. Ён прыняў рашэнне адпомсціць, «учыніўшы смерць Селіну».
Аднак, падобна, ён быў толькі выканаўцам (на парашуце былі выяўлены сляды і іншых ДНК, але іх не ўдалося ідэнтыфікаваць), а дапамогу ў арганізацыі забойства яму маглі аказваць ягоныя саслужыўцы на чале з прапаршчыкам Селязнёвым В.Д.
Было ўстаноўлена, што ўсе яны былі незадаволеныя вайсковай службай пад новым камандаваннем сяржанта Селіна. Селязнёў незадоўга да трагедыі быў зняты з пасады намесніка камандзіра ўзвода па ініцыятыве Селіна, што магло стаць прычынай канфлікту.
Сведкі сцвярджаюць, што акрамя забойства сяржанта Селіна, аналагічным чынам «на забой» былі выведзеныя з ладу некалькі парашутаў камандзіра роты дадзеных курсантаў, але па збегу абставін ён у той дзень не скакаў.
Паводле слоў крыніцы ВЧК-ОГПУ, гэты факт замаху на забойства камандзіра роты быў утоены службовымі асобамі вучылішча на чале з палкоўнікам Алегам Панамаровым.
А бацькам курсанта Селязнёва з'яўляецца высокапастаўлены афіцэр у званні генерала, піша канал.
У выніку следства з цяжкасцю і пад вялікім ціскам спынілася на версіі, што радавы Казанцаў адзін прыняў рашэнне аб забойстве свайго камандзіра Селіна (удзельніка вайны ва Украіне) з-за асабістых непрыязных адносін, а таксама з мэтай абароны іншых курсантаў, з амаральнымі паводзінамі і недысцыплінаванасцю якіх непасрэдна змагаўся сяржант Селін, піша выданне.
Цяпер чытаюць
Ціханоўская — Трампу: Лукашэнку трэба пакараць, а не заахвочваць22
Каментары