Ціханоўскі расказаў, што было ў лазні пасля сустрэчы з Лукашэнкам у СІЗА КДБ
Блогер згадаў размову Віктара Бабарыкі з сынам.
Пасля сустрэчы палітвязняў з Лукашэнкам у СІЗА КДБ у 2020-м зняволеных на раніцу павезлі ў лазню. У інтэрв'ю праекту «Жыццё-маліна» Сяргей Ціханоўскі згадаў, што там было.
Ціханоўскі кажа, што там наставілі мікрафонаў і пасля ў эфір дзяржТБ выдалі перакручаную размову Віктара Бабарыкі з сынам Эдуардам.
«Ён нешта спытаў. Ну, зразумей, калі б майго сына пасадзілі, я б таксама сына спытаў. Тыпу: «Гэта мая барацьба, але ты мой сын. Можа, мне ўсё ж такі аддаць наогул усё, што ў мяне ёсць, проста ім, каб ты выйшаў?» Вось у такім ключы нешта Віктар Дзмітрыевіч спытаў. Такое добрае, ведаеш.
І гэтыя чмыры запісалі і па целіку потым круцілі. Нібыта Бабарыка сыну кажа: «Так што мне, вярнуць грошы скрадзеныя?»
Ціханоўскі згадвае, што ў лазні быў басейн, але апроч Бабарыкі ніхто не пайшоў у ім плаваць.
Блогер расказвае, што было самым страшным у няволі.
«У Дастаеўскага ёсць такая фраза, што самае жорсткае катаванне ў катаржным жыцці — гэта вымушанае сужыцельства. (…) 11 чалавек на Валадарцы. Маленькі пакой у 2, ды ў 3-4 разы меншы за гэту студыю, дзе мы зараз запісваемся. 11 чалавек, нары двухпавярховыя, унітаз — дзірка ў падлозе.
Там яны ўсе ходзяць у туалет, пастаянна паляць (я не палю), усё гэта ў дыме, столі нізкія. Гэта ж замак стары Валадарка, так? Кашмар, смярдзіць. І яшчэ некаторыя там самі сябе задавальняюць зняволеныя».
Цяпер чытаюць
Віктар Лукашэнка засвяціў на пасяджэнні НАК свой гадзіннік — цяжкі люкс28
Віктар Лукашэнка засвяціў на пасяджэнні НАК свой гадзіннік — цяжкі люкс
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2020
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі20
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю88
Каментары