Śledčy kamitet Rasii: Terakt u «Krokus Sici Choł» byŭ ździejśnieny pa zamovie Ukrainy
Śledčy kamitet Rasii zaviaršyŭ rasśledavańnie teraktu, jaki adbyŭsia 22 sakavika 2024 hoda ŭ maskoŭskaj kancertnaj zale «Krokus Sici Choł», piša RBK. Jak śćviardžajuć śledčyja, złačynstva było ździejśniena pa zamovie z boku Ukrainy z metaj destabilizacyi situacyi ŭ Rasii.
Pa spravie prachodziać 19 abvinavačanych, i ŭsie materyjały ŭžo pieradadzienyja prakuroru dla nakiravańnia ŭ sud.
Uviečary 22 sakavika ŭzbrojenyja napadniki ŭvarvalisia ŭ zału pierad kancertam hurta «Piknik», adkryli ahoń pa ludziach i padpalili budynak. U vyniku zahinuli 149 čałaviek, jašče adzin ličycca źnikłym bieź viestak, a bolš za 600 atrymali ranieńni. Ahulnyja materyjalnyja straty aceńvajucca prykładna ŭ 6 miljardaŭ rasijskich rubloŭ.
Śledstva ŭstanaviła, što napad arhanizavali členy zabaronienaj u Rasii terarystyčnaj hrupoŭki «Viłajat Charasan» razam z saŭdzielnikami. Častka ź ich prajšła padrychtoŭku za miažoj, inšyja znachodzilisia na terytoryi Rasii i zajmalisia pošukam zbroi, jaje pierarobkaj i dastaŭkaj. Častku ŭzbrajeńnia pryvieźli spačatku ŭ dahiestanski Kaśpijsk, a pierad napadam — u Maskvu.
Paśla teraktu złačyncy sprabavali ŭciačy, jak śćviardžajuć rasijskija śledčyja, nibyta va Ukrainu, ale byli zatrymanyja ŭ Branskaj vobłaści. Śledstva praciahvałasia bolš za hod. U asobnym paradku praciahvajecca rasśledavańnie ŭ dačynieńni da jašče dvuch arhanizataraŭ i čatyroch udzielnikaŭ terarystyčnaj hrupy.
Padazravanym vystaŭlenyja abvinavačańni pa šerahu artykułaŭ Kryminalnaha kodeksa Rasii, uklučajučy teraryzm, udzieł u terarystyčnaj arhanizacyi, niezakonny abarot zbroi i vybuchovych rečyvaŭ, a taksama padrychtoŭku da teraktu.
Siarod tych, chto prachodzić pa spravie, — hramadzianie roznych krain, u asnoŭnym jany z Tadžykistana.
Pry hetym varta adznačyć, što raniej paviedamlałasia, što śledstva faktyčna abviarhała zajavy rasijskich uładaŭ pra dačynieńnie Ukrainy da teraktu ŭ kancertnym zale «Krokus». Śćviardžałasia, što terarysty byli zavierbavanyja afhanskaj jačejkaj «Isłamskaj dziaržavy» «Viłajat Charasan».
Śledstva abvierhła zajavy Pucina ab datyčnaści Ukrainy da teraktu ŭ «Krokusie»
Isłamisty, adkaznyja za vybuch u «Krokusie», nazvali svaje nastupnyja celi
Rasija pastrožyła pryjom tadžykaŭ paśla «Krokusa», dyk jany ciapier sprabujuć u abychod — praź Biełaruś
ZŠA papiaredzili Rasiju ab padrychtoŭcy teraktu, ale infarmacyi nie chapiła, kab vyjavić terarystaŭ — Naryškin
Minčanka Anhielina, jakaja prasiła ŭ Łukašenki kvateru za trojniu, atrymała žyllo18
Kamientary