Na vajnie va Ukrainie zahinuŭ bieraściejec, što vajavaŭ za Rasiju. U 2020-m jon vyratavaŭ dvaich dziaciej na pažary ŭ Małarycie
Udałosia paćvierdzić hibiel na vajnie va Ukrainie maładoha bieraściejca jaki padpisaŭ kantrakt z Uzbrojenymi siłami Rasii, paviedamlaje telehram-kanał «Viciebsk, ja hulaju!».
Imia Uładzisłava Hubieja było va ŭkrainskim śpisie zahinułych najmitaŭ rasijskaj armii. U jahonym profili ŭ TikTok pad apošnimi rolikami padpisčyki, u tym liku jaho siastra (miarkujučy pa ŭsim, kuzina) Halina Hubiej — udzielnica 3 siezona «Zorny šlach» na ANT — pakinuli niekalki miemaryjalnych kamientaryjaŭ («Śpi spakojna, aniołak).
Pavodle danych prajekta «Chaču žyć», chłopiec padpisaŭ kantrakt 22 sakavika 2024 hoda va ŭzroście 22 hadoŭ — 17 žniŭnia taho ž hoda jon užo zahinuŭ.
U 2020 hodzie Uładzisłaŭ, žyvučy ŭ Małarycie, vyratavaŭ dziaciej z susiedniaj kvatery, achoplenaj pažaram.
29 śniežnia 2020 hoda na vulicy Cichaj adbyŭsia pažar u kvatery, raźmieščanaj na druhim paviersie piacipaviarchovaha žyłoha doma. Tam byli troje dziaciej.
Kursant Univiersiteta hramadzianskaj abarony MNS Arciom Dubač i student Pinskaha industryjalna-piedahahičnaha kaledža Alaksiej Dejnak, što prachodzili mima, pačuli dziciačy kryk ab dapamozie z akna druhoha paviercha i nieadkładna adreahavali: adnačasova paviedamlajučy pra zdareńnie ŭ słužbu MNS. Jany zmahli akazać dapamohu šaścihadovaj dziaŭčyncy.
Da taho času prybiehła haspadynia žylla i adčyniła dźviery.
Uładzisłaŭ Hubiej, jaki žyŭ u susiedniaj kvatery, zakryŭšy rot mokraj tkaninaj, vyratavaŭ z zapoŭnienaj dymam kvatery jašče dvuch małych: dziaŭčynku i chłopčyka, dvuch i čatyroch hadoŭ.
Ciapier čytajuć
«Stajać na svaim, kožny nakolki moža!» Vialikaja hutarka z Natallaj Dulinaj pra hopnikaŭ z HUBAZiKa, Kaleśnikavu i što tam u kaho ŭ kałonii11
Kamientary