Dziarždepartamient ZŠA vypuściŭ papiaredžańnie dla amierykanskich hramadzian, jakija žyvuć abo padarožničajuć za miažoj, i parekamiendavaŭ im prajaŭlać pavyšanuju aściarožnaść u suviazi ź situacyjaj na Blizkim Uschodzie, piša Bi-bi-si.
«Kanflikt pamiž Izrailem i Iranam pryvioŭ da zbojaŭ u transpartnych znosinach i pieryjadyčnaha zakryćcia pavietranaj prastory na Blizkim Uschodzie. Mahčymyja demanstracyi suprać hramadzian i intaresaŭ ZŠA za miažoj», — havorycca ŭ papiaredžańni, jakoje cytuje AFP.
U im nie zhadvajecca pra napady ZŠA na jadziernyja abjekty ŭ Iranie, adznačaje ahienctva.
Papiaredžańnie dziejničaje pa ŭsim śviecie.
Tramp zajaviŭ pra kałasalnuju škodu jadziernym abjektam u Iranie
«Škodu, naniesienaja jadziernym abjektam u Iranie, nazyvajuć «kałasalnaj». Udary byli mocnymi i dakładnymi. Našy vajskoŭcy prademanstravali vysokaje majsterstva. Dziakuj!» — napisaŭ jon u svajoj sacsietcy Truth Social.
Raniej kiraŭnik MAHATE Rafael Hrosi zajaviŭ, što stupień škody jadziernamu abjektu ŭ Fardo nielha ŭpeŭniena acanić.
Tramp taksama nie vyklučyŭ mahčymaści źmieny režymu ŭ Iranie, kali ciapierašniaja ŭłada «nie zrobić Iran znoŭ vialikim».
«Palityčna niekarektna vykarystoŭvać termin «źmiena režymu», ale kali ciapierašni iranski režym nie zdolny ZRABIĆ IRAN ZNOŬ VIALIKIM, čamu b nie pravieści źmienu režymu?» — napisaŭ amierykanski lidar u nastupnym paviedamleńni.
Pa jaho słovach, bambardziroŭščyki B-2, jakija nanosili ŭdary pa jadziernych abjektach Irana, viarnulisia na bazu ŭ Misury.
Kiraŭnik Pientahona Pit Chiehsiet zajaŭlaŭ, što ŭdary ZŠA byli nakiravanyja na toje, kab nie dapuścić atrymańnie Tehieranam jadziernaj zbroi, a nie na źmienu režymu.
Ciapier čytajuć
Anatol Kotaŭ užo vyjazdžaŭ u Turcyju i ličyŭ jaje biaśpiečnaj — krynicy2
Kamientary