Дзярждэпартамент ЗША выпусціў папярэджанне для амерыканскіх грамадзян, якія жывуць або падарожнічаюць за мяжой, і парэкамендаваў ім праяўляць павышаную асцярожнасць у сувязі з сітуацыяй на Блізкім Усходзе, піша Бі-бі-сі.
«Канфлікт паміж Ізраілем і Іранам прывёў да збояў у транспартных зносінах і перыядычнага закрыцця паветранай прасторы на Блізкім Усходзе. Магчымыя дэманстрацыі супраць грамадзян і інтарэсаў ЗША за мяжой», — гаворыцца ў папярэджанні, якое цытуе AFP.
У ім не згадваецца пра напады ЗША на ядзерныя аб’екты ў Іране, адзначае агенцтва.
Папярэджанне дзейнічае па ўсім свеце.
Трамп заявіў пра каласальную шкоду ядзерным аб’ектам у Іране
«Шкоду, нанесеная ядзерным аб’ектам у Іране, называюць «каласальнай». Удары былі моцнымі і дакладнымі. Нашы вайскоўцы прадэманстравалі высокае майстэрства. Дзякуй!» — напісаў ён у сваёй сацсетцы Truth Social.
Раней кіраўнік МАГАТЭ Рафаэль Гросі заявіў, што ступень шкоды ядзернаму аб’екту ў Фардо нельга ўпэўнена ацаніць.
Трамп таксама не выключыў магчымасці змены рэжыму ў Іране, калі цяперашняя ўлада «не зробіць Іран зноў вялікім».
«Палітычна некарэктна выкарыстоўваць тэрмін «змена рэжыму», але калі цяперашні іранскі рэжым не здольны ЗРАБІЦЬ ІРАН ЗНОЎ ВЯЛІКІМ, чаму б не правесці змену рэжыму?» — напісаў амерыканскі лідар у наступным паведамленні.
Па яго словах, бамбардзіроўшчыкі B-2, якія наносілі ўдары па ядзерных аб’ектах Ірана, вярнуліся на базу ў Місуры.
Кіраўнік Пентагона Піт Хегсет заяўляў, што ўдары ЗША былі накіраваныя на тое, каб не дапусціць атрыманне Тэгеранам ядзернай зброі, а не на змену рэжыму.
Цяпер чытаюць
Беларус-грузчык, які стаў асабістым памочнікам і даверанай асобай кіраўніка расійскага Сбербанка Германа Грэфа, сапраўды існуе5
Каментары