«Štohod hublajem 15 abjektaŭ». Biełaruskija dačniki zmahajucca z vyškami sotavaj suviazi
Žychary biełaruskich viosak i sadovych tavarystvaŭ aktyŭna skardziacca na vyški sotavaj suviazi. U vyniku apierataram časta davodzicca ich demantavać i pieranosić, piša «SB».
Pradstaŭniki biełaruskich mabilnych apierataraŭ raskazali, jak dačniki vajujuć z vyškami sotavaj suviazi.
Namieśnik hiendyrektara MTS pa techničnych pytańniach Alaksiej Ciažkich kaža, što ŭ hałovach u ludziej časta ŭźnikajuć uzajemavyklučalnyja paniaćci.
«Źviartajecca ŭ kampaniju sadovaje tavarystva i skardzicca na prablemy sa suviaźziu. Prychodzim i kažam, što majem namier na ich terytoryi raźmiaścić bazavuju stancyju. Nam adkazvajuć: «Nie, nielha! My suviaź žadajem, a vyški nam nie treba. Vy dzie-niebudź tak raźmiaščajcie, kab my jaje nie bačyli», — raspavioŭ Ciažkich.
Jaho kaleha z A1 Uładzimir Sačkoŭ raspavioŭ, što z-za takich skarhaŭ kampanija kožny hod hublaje 15 vyšak.
«Štohod my hublajem 15 abjektaŭ. Skarhami nas prymušajuć demantavać ich, razburyć, źnieści, pieranieści. Praces pierajezdu navat bolš składany, čym budaŭnictva, bo ludzi ŭžo pryvykli da peŭnaj jakaści suviazi, jakaja pry pieramiaščeńni dla niekatorych padaje. My šukajem miesca, dzie b pabudavacca, — i ŭvieś praces pačynajecca nanova: advod ziamli, usie dazvoły…» — zaznačyŭ Sačkoŭ.
Pa słovach namieśnika hiendyrektara «Biełaruskich vobłačnych technałohij» Michaiła Duki, dačniki bajacca, što vyški škodziać ich zdaroŭju.
«Byvaje tak, što my prychodzim, stavim vyšku, bazavuju stancyju — i pačynajucca skarhi inšaha kštałtu, nie źviazanyja ź jakaściu suviazi, a chutčej demanstrujučyja najaŭnaść u nasielnictva aściaroh z nahody ŭpłyvu pracy bazavych stancyj na navakolnaje asiarodździe i stan zdaroŭja», — raskazaŭ Duka.
-
«Budavała karjeru, kab ciapier sarvacca ŭ ahrarny? Adnaznačna tak!» Dekany Horackaj akademii zakachali ŭ siabie sacsietki
-
U centry Bresta pastaviać hihanckija vahi ź niezvyčajnymi adzinkami vymiareńnia
-
«Nie budziem źviartać uvahu na limitrofaŭ». Juraś Ziankovič zapuściŭ ułasnaje miedyja, nie viedajučy, što hetaksama nazyvajecca sajt paźniakoŭcaŭ
Ciapier čytajuć
«Jość u Biełarusi ludzi, jakim nie padabajecca rasijski ściah, saviecki ściah». Rasijaninu na BMW Ch7 ź niamieckimi numarami paškodzili aŭto ŭ Minsku31
Kamientary
Budut pierienosiť, tam ostatki łojalnoho lechtorata okopaliś. Ich žiełanije - zakon.