Karanik pra broniekamizelki: Biełaruski sałdat pavinien być abaronieny lepš za svaich zamiežnych kaleh
Biełaruski sałdat pavinien być abaronieny lepš za svaich zamiežnych kaleh. Pra heta zajaviŭ žurnalistam staršynia Prezidyuma NAN Biełarusi Uładzimir Karanik, padvodziačy vyniki narady pad kiraŭnictvam Łukašenki, piša BiełTA.
Na mierapryjemstvie ŭ Biarozaŭskim rajonie, dzie asnoŭnaj temaj była vajennaja bieśpiłotnaja avijacyja, taksama abmiarkoŭvałasia pytańnie vytvorčaści sučasnych srodkaŭ indyvidualnaj abarony sałdat na poli boju.
Broniekamizelki, šlemy i inšaja bajavaja ekipiroŭka pavinny być nadziejnymi, lohkimi i ŭ toj ža čas zručnymi, padkreślivaje Alaksandr Łukašenka.
Adkazvajučy na pytańnie, jak ajčynnyja broniekamizelki vyhladajuć na fonie lepšych zamiežnych anałahaŭ, Uładzimir Karanik skazaŭ:
«Całkam adpaviadajuć. My ličym, što naš biełaruski sałdat pavinien być abaronieny nie tolki nie horš, a lepš za svaich zamiežnych kaleh. Tamu kłas abarony, usie DASTy vykonvajucca. Idzie vielmi tonkaja praca pa padhaniańni, kab uličvać usie patreby Uzbrojenych Sił. Naprykład, dadatkovaja kišenia, dadatkovaja kropka macavańnia dla niejkaha ryštunku, dadatkovaja abarona niejkich uraźlivych miescaŭ, zychodziačy z dośviedu bajavych dziejańniaŭ».
Kiraŭnik NAN adznačyŭ, što raniej była pastaŭlena zadača zabiaśpiečyć dastojny ŭzrovień abarony biełaruskich vajskoŭcaŭ.
«Siońnia mnie było dosyć lohka adspravazdačycca, bo heta zadača vykananaja», — skazaŭ jon.
Uładzimir Karanik raspavioŭ, što ŭ krainie dvuma vytvorcami asvojeny vypusk broniekamizelek usich sučasnych kłasaŭ u abjomie, jaki navat pieravyšaje štohadovyja patreby Uzbrojenych sił.
«Pryjemna, što dasiahnuta dastatkova vysokaja technałahičnaja niezaležnaść. Mahčymaść zabiaśpiečyć kamfort pry tym ža ŭzroŭni abarony — vykarystoŭvać kieramičnyja branieplity, jakija abaraniajuć bolš efiektyŭna, čym mietał, ale pry hetym majuć mienšuju vahu. Na siońniašni momant abodva vytvorcy ŭ Biełarusi asvoili ŭłasnyja technałohii vytvorčaści branieplit u dastatkovym abjomie», — padkreśliŭ Uładzimir Karanik.
Pavodle jaho słoŭ, hetuju pradukcyju možna i ekspartavać. Tut pytańnie ŭžo markietynhu, cany i maštabavańnia abjomaŭ.
-
U RCAP u Ratamcy rastłumačyli, čamu ŭładalnikam koniej nie praciahnuli damovy
-
«Maja pazicyja adnosna siłavikoŭ paśla pieramohi prostaja». Eks-palitviazień pra škłoŭskuju kałoniju, padpolle i «karelickuju spravu»
-
U 2021 hodzie vypusknica admoviłasia pacisnuć ruku Hihinu na ŭručeńni dypłoma. Ciapier BDU nie choča jaho paćviardžać
Ciapier čytajuć
U 2021 hodzie vypusknica admoviłasia pacisnuć ruku Hihinu na ŭručeńni dypłoma. Ciapier BDU nie choča jaho paćviardžać7
Kamientary
vydierživajet vsie protivopiechotnyje i časť protivotankovych sriedstv.
pieriemieŝajetsia po polu boja siłami piechotnoho otdielenija (možno katiť)