Markiełaŭ, Nahornaja i Hudzilin adkryvajuć u Vilni prastoru z łaźniaj
14 červienia ŭ Vilni adkryjecca biełaruskaja prastora «Zołak». Siarod stvaralnikaŭ — aktyvist Piatro Markiełaŭ, piśmieńnica Alina Nahornaja i fatohraf Siarhiej Hudzilin.
Stvaralniki «Zołaka» chočuć dać biełaruskim tvorcam i aktyvistam placoŭku, techničnaje abstalavańnie i supolnaść dla realizacyi idej.
«Zołak», raspaviadajuć arhanizatary, isnuje za košt pryvatnych unioskaŭ i nie płanuje finansavacca hrantami.
Prastora šmatfunkcyjanalnaja — heta rezidencyja dla mastakoŭ i aktyvistaŭ, miesca dla kinaprahladaŭ, dyskusij, rejvaŭ i inšych mierapryjemstvaŭ, kavorkinh dy niefarmalnaje miesca pryciahnieńnia biełarusaŭ horada. Unutry — ivent-spejs, zona adpačynku, kuchnia i łaźnia.
«Zołak» užo pryniaŭ u siabie majstar-kłas mastaka Andreja Busła «Chutka smačna» i anansavaŭ kancert śpievaka Viačasłava Kmita. Tut rehularna pravodziacca kinaprahlady dy inšyja imprezy.
«Zołak» isnuje za košt pryvatnych unioskaŭ i prahramy rezidenstva. Rezidenstva maje štomiesiačnuju apłatu pa pryncypie padpiski i daje mahčymaść naviedvać prastoru pa-za imprezami, biaspłatna braniravać pakoi dla mierapryjemstvaŭ, a taksama daje dostup da kavorkinhu i łaźni. Rezidentam možna stać i praz unioski «spravaj» — arhanizatary vitajuć lubyja navyki dy idei.
Taksama, dastupnaja arenda prastory dla pryvatnych mierapryjemstvaŭ.
Na adkryćci 14 červienia projduć varkšopy, lekcyi i vialikaja muzyčnaja viečaryna.
Kamientary
Tut albo zaviedama naiŭnyja płany, ci viadomyja dydžytał- i nie tolki aktyvisty niešta niedahavorvajuć
Čakajem ad ich nieŭzabavie stohnaŭ na NN kštałtu KryejtKałčaSpejs i Karčmy: "Apošnija majtki zakłali pad arendu - padajcie bajmiekofi, chto moža".
Pililščykaŭ ź Imahuru ŭžo scharanili. Šlach pratorany!