U Kazachstanie ŭziaty pad vartu tolki što zvolnieny ministr abarony Rusłan Žaksyłykaŭ, jakoha prezident Kasym-Žamart Takajeŭ niečakana zvolniŭ u minułuju niadzielu z pasady.
Žaksyłykaŭ zatrymany i źmieščany pad vartu ŭ śledčym izalatary ŭ Astanie, paviedamlaje Rasijskaja słužba Radyjo Svaboda.
Padrabiaznaści zatrymańnia nie vydajucca ŭ adpaviednaści z pałažeńniami Kryminalnaha kodeksa Kazachstana.
Pavodle infarmacyi krynic Elmedia, zatrymańnie zrabiŭ Kamitet dziaržaŭnaj biaśpieki Kazachstana. «Miarkujem, što heta niejak źviazana z kradziažami», — udakładniła krynica.
Žaksyłykaŭ, jaki raniej zajmaŭ pasadu namieśnika ministra ŭnutranych spraŭ i kamandujučaha Nacyjanalnaj hvardyjaj, byŭ pryznačany ministram abarony Kazachstana paśla studzieńskich padziej 2022 hoda, kali masavyja pratesty, vyklikanyja admienaj cenavaj stoli na paliva, pieraraśli ŭ maštabnyja biesparadki.
Dla ich padaŭleńnia ŭładam daviałosia źviarnucca pa dapamohu da vojskaŭ Arhanizacyi Damovy ab kalektyŭnaj biaśpiecy (ADKB), u Kazachstan byli nakiravanyja vajskovyja padraździaleńni Rasii.
U publikacyjach, pryśviečanych dziejnaści Žaksyłykava na pasadzie ministra, niaredka adznačałasia, što ŭ apošnija hady ŭ Kazachstanie rezka pačaścilisia vypadki prymusovaha pryzyvu ŭ vojska na terminovuju słužbu.
Pryčyna zvalnieńnia Žaksyłykava aficyjna nie pakazvałasia.
Bicepsy Ivana Kraŭcova ździvili sacsietki. Jon raskazaŭ, jak trymaje siabie ŭ spartyŭnaj formie32
Bicepsy Ivana Kraŭcova ździvili sacsietki. Jon raskazaŭ, jak trymaje siabie ŭ spartyŭnaj formie
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3939
Kamientary