Maja Sandu abvinavaciła Rasiju va ŭmiašańni ŭ parłamienckija vybary ŭ Małdovie
Prezidentka Małdovy Maja Sandu zajaviła, što Rasijskaja Fiederacyja rychtujecca da mocnaha i biesprecedentnaha ŭmiašańnia ŭ parłamienckija vybary, zapłanavanyja na 28 vieraśnia 2025 hoda. Pra heta paviedamiła ahienctva Reuters.
Sandu adznačyła, što hałoŭnuju pahrozu dla vybaraŭ ujaŭlajuć karupcyja i niezakonnaje finansavańnie z boku Rasii. Pavodle jaje słoŭ, Maskva ŭžo inviestuje ŭ šerah palityčnych prajektaŭ, kab pravieści ŭ parłamient svaich pradstaŭnikoŭ i padarvać demakratyčnyja pracesy ŭ krainie.
Jana zajaviła, što Rasija padtrymlivaje tak zvany «suvierenny błok», jaki, pa jaje słovach, nie maje ničoha ahulnaha ź intaresami Małdovy i vystupaje suprać jeŭrapiejskaj intehracyi. Taksama adznačałasia padtrymka papulisckaj i ahresiŭnaj hrupy, źviazanaj ź biznesmienam Iłanam Šoram, a taksama šerahu niezaležnych kandydataŭ.
Pavodle Sandu, Rasija vykarystoŭvaje nastupnyja asnoŭnyja instrumienty ŭmiašańnia:
- niezakonnaje finansavańnie praz kryptavaluty na sumu kala 100 miljonaŭ jeŭra;
- infarmacyjnyja manipulacyi z-za miažy;
- arhanizacyja apłačanych pratestaŭ;
- kibierataki na vybarčuju infrastrukturu;
- pieraškody ŭ hałasavańni dla dyjaspary i inšaje.
Maja Sandu padkreśliła, što takoje ŭmiašańnie stvaraje ryzyki dla hramadskaha paradku, nacyjanalnaj biaśpieki i moža pahražać suvierenitetu i jeŭrapiejskaj budučyni krainy.
Jana taksama paviedamiła, što ŭłady ŭžo ŭžyli kala 25 tysiač sankcyj za parušeńni vybarčaha zakanadaŭstva, a suma štrafaŭ dasiahnuła amal 15 miljonaŭ lejaŭ (kala 770 tysiač jeŭra).
Ciapier čytajuć
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2020
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ20
«Hienierał Biada vylecieŭ praz bakavoje škło «Čajki». Małaviadomaja avaryja 1976 hoda, u jakoj zahinuli druhi čałaviek u BSSR i bajavy lotčyk-hienierał44
Kamientary