U Biełarusi budzie pracavać sproščany paradak prymusovaha spahnańnia štrafaŭ. Ciapier niekatoryja vypłaty, naprykład, za parušeńni PDR, buduć aŭtamatyčna śpisvacca z bankaŭskaha rachunku bieź lišnich papier, piša sb.by.
Čytač vydańnia zaŭvažyŭ, što ź jaho kartki raptam źnikli hrošy. Vyśvietliłasia, što heta byŭ niavypłačany štraf, nakładzieny DAI, jaki ŭ aŭtamatyčnym paradku spahaniali orhany prymusovaha vykanańnia praź sistemu AIS VHA — aŭtamatyzavanuju infarmacyjnuju sistemu vykanańnia hrašovych abaviazacielstvaŭ.
Jak rastłumačyli ŭ Hałoŭnym upraŭleńni prymusovaha vykanańnia Miniusta, novaŭviadzieńni praduhledžvajuć sproščany paradak vykanańnia dla štrafaŭ da 20 bazavych vieličyń (ciapier heta 840 rubloŭ) i kali ŭ daŭžnika niama inšych padobnych vykanaŭčych spraŭ.
U vypadku nieapłaty štrafa ŭ termin budzie dadatkova spahaniacca prymusovy zbor — nie mienš za 0,5 bazavaj vieličyni (21 rubiel).
Sudovy vykanaŭca, atrymaŭšy dakumient na spahnańnie, adrazu raspačynaje spravu — biez dadatkovaha terminu dla dobraachvotnaj apłaty, bo jon užo byŭ dadzieny padčas administracyjnaha pracesu.
Hrošy śpisvajucca aŭtamatyčna praz AIS VHA. Paśla poŭnaj apłaty vykanaŭčaja sprava zakryvajecca.
Kali ž čałaviek apłaciŭ štraf raniej, ale hrošy ŭsio adno śpisali, jon moža padać chadajnictva sudovamu vykanaŭcu i viarnuć niapravilna ŭtrymanuju sumu — dastatkova prykłaści adpaviednuju kvitancyju.
Ministr justycyi Jaŭhien Kavalenka jašče ŭ lutym kazaŭ, što novy zakon nakiravany na pavyšeńnie efiektyŭnaści vykanańnia dakumientaŭ, spraščeńnie pracedur, ličbavizacyju i abaronu intaresaŭ tych, chto maje prava na spahnańnie.
Biełarusam, jakija majuć nieruchomaść, prychodziać paviedamleńni ad padatkovaj
Biełarusa ŭ Polščy aštrafavali za ahresiŭnyja pavodziny ŭ aeraporcie
U kałonijach pačali prymusova śpisvać usie hrošy z asabistych rachunkaŭ asudžanych
Piensijanierka paškodziła tabličku ŭ dvary doma i ledź nie atrymała 8200 rubloŭ štrafu
Ciapier čytajuć
Rasijskija prapahandysty vydumali ŭdar drona pa turystyčnym aŭtobusie. Ale ŭ historyi jość zahadkavyja fury6
Kamientary
Rachunak, ź jakoha ŭ luby momant moža ŭziać hrošy niejkaja AIS - toje ž samaje, što kvatera, klučy ad jakoj jość i ŭ ŽES, jaki moža zajści ŭ luby momant i niešta vynieści na svoj vybar.
Zusim inšy padychod da majomaści. Navat z ulikam taho, što štrafy instrumient dla "spraviadlivaści".
"Novy zakon nakiravany na ... abaronu intaresaŭ tych, chto maje prava na spahnańnie".
Heta pra toje, što ŭ vypadku pamyłki AIS možaš napisać chadajnictva. Tvaje intaresy abaraniajucca, ale ŭ apošniuju čarhu.
paśla čaho, kali na bałansie było X rubloŭ, ich tam stanie X-Y.
I kali Y>X, budzie minus. Usio, što budzie pastupać na rachunak, budzie iści ŭ pieršuju čarhu na pahašeńnie hetaha minusa.
Ci jość u vas hrošy na pajeści, ci zručniej było b pahašać častkami, nikoha nie cikavić.
Adpaviedna, zmaharski vybar, žyvučy ŭ režymie - albo najaŭnyja, albo zamiežny bank.