Startap rabiŭ vyhlad, što jon raspracavaŭ štučny intelekt. Nasamreč, jon naniaŭ 700 prahramistaŭ i jany stvarali pradukty ŭručnuju
Kali machlarstva vyjaviłasia, adbyłosia hučnaje bankructva.
Vialikaja łondanskaja kampanija Builder.ai, jakaja niekali kaštavała 1,5 miljarda dołaraŭ i mieła padtrymku takich hihantaŭ, jak Microsoft, abjaviła pra bankructva. Pryčynaj stała vykryćcio kampanii ŭ tym, što jana ŭvodziła ŭ zman inviestaraŭ adnosna svaich mahčymaściaŭ u halinie štučnaha intelektu. Builder.ai vykarystoŭvała kala 700 indyjskich prahramistaŭ, jakija ŭručnuju pisali kod dla prahram, u toj čas jak kampanija rekłamavała ich jak zhienieravanyja štučnym intelektam pradukty.
Kali praŭda vyjšła najaŭ, kampanija stała abjektam uvahi pravaachoŭnych orhanaŭ. Vykryćcio pakazała, što technałohija kampanii była ŭ značnaj stupieni iluzijaj.
Užo ŭ 2019 hodzie The Wall Street Journal vyjaŭlaŭ sumnieŭnyja zajavy Builder.ai pra ŠI, padkreślivajučy, što płatforma mocna zaležyć ad čałaviečych ruk. Byłyja supracoŭniki apisvali kampaniju jak «usio inžyniery, nijakaha ŠI».
Krach Builder.ai adbyŭsia ŭ mai 2025 hoda, kali kredytor Viola Credit aryštavaŭ 37 miljonaŭ dołaraŭ z rachunkaŭ kampanii, vyjaviŭšy, što startap zavysiŭ svaje prahnozy pa dachodach na 2024 hod na 300%.
Hety incydent padkreślivaje, kolki machlarstvaŭ ciapier u śfiery startapaŭ, jakija stvarajucca na chvali mody na štučny intelekt —kampanii pieraafarmlajuć zvyčajnyja technałahičnyja pasłuhi pad markaj štučnaha intelektu, kab pryciahnuć inviestycyi ŭ ciapierašni bum ŠI.
U vyniku krachu Builder.ai zastałasia vinnaj 85 miljonaŭ dołaraŭ Amazon i 30 miljonaŭ dołaraŭ Microsoft za pasłuhi vobłačnych vyličeńniaŭ, a tysiača supracoŭnikaŭ stracili pracu. Kampanija ciapier prachodzić praceduru bankructva ŭ Vialikabrytanii, Indyi i ZŠA, piša The Times of India.
Heta samy hučny pravał ŠI-startapa z momantu zapusku ChatGPT, jaki vyklikaŭ suśvietny inviestycyjny ažyjataž.
Karotkija teksty ad štučnaha intelektu zamiest spasyłak — Google zapuściŭ novuju sistemu pošuku
Samsung źbirajecca pastavić na smartfonach jašče adzin štučny intelekt, akramia Gemini
«Ciapier zbroja vajny — kłavijatura». Brytanija vydatkuje 1 miljard funtaŭ na madernizacyju kibiervojskaŭ
Biełaruski IT-miljanier Hurski: Maju pieršuju žonku zabiŭ hiembler
Ciapier čytajuć
«Čakajem u Minsku +1 słavutaść!» Błohieraŭ pryvieźli ŭ byłuju turmu na Vaładarskaha5
«Čakajem u Minsku +1 słavutaść!» Błohieraŭ pryvieźli ŭ byłuju turmu na Vaładarskaha
«Ja nie śviataja, ale ŭ mianie nie było nadziejnaha plača pobač»: maci Ksiušy z SMA mohuć pazbavić baćkoŭskich pravoŭ, jana ž davodzić, što zdolnaja vypravicca1717
Kamientary