«Hieroi» za dziaržaŭny košt. Kolki ŭ Biełarusi zapłacili ź biudžetu miedyjnym televiadoŭcam
Rasśledavalnickaja hrupa «Biuro» vyśvietliła, jakija hanarary atrymali televiadoŭcy novych siezonaŭ spartyŭna-zabaŭlalnaha šou «Hieroi».
Spartyŭna-zabaŭlalnaje šou «Hieroi» — heta sumiesny prajekt Biełteleradyjokampanii, MNS, Biełaruskaj fiederacyi pažarna-vyratavalnaha sportu i Prezidenckaha spartyŭnaha kłuba, jaki ŭznačalvaje Dźmitryj Łukašenka — siaredni syn kiraŭnika Biełarusi. Niadaŭna «Biuro» raskazała, jaki naličany zarobak jon atrymlivaje na pasadzie staršyni spartkłuba.
Viadoŭcaj pieršaha siezonu «Hierojaŭ» była starejšaja dačka Dźmitryja Łukašenki — Darja. Aŭtaram saŭndtreka šou stała žonka Dźmitryja — Hanna Łukašenka, bolš viadomaja pad tvorčym psieŭdanimam Hanna Siałuk.
Zhodna z danymi tendarnych zakupak Biełteleradyjokampanii, rasijski fihuryst Alaksiej Jahudzin za viadzieńnie 7 vypuskaŭ telešou «Hieroi. Evalucyja» atrymaŭ amal 60 tysiač biełaruskich rubloŭ, abo prykładna 8,5 tysiačy za adzin epizod. Płacili alimpijskamu čempijonu ź biudžetnych srodkaŭ.
Darečy, kamanda, jakaja pieramoža ŭ «Hieroi. Evalucyja», atrymaje hrašovy pryz, kratny hanararu Jahudzina — 60 tysiač biełaruskich rubloŭ.
Druhi «zorny» viadoŭca, błohier Uład Kabiakoŭ, kaštavaŭ dziaržbiudžetu značna tańniej — za 7 prahram čaćviortaha siezona «Hieroi. Dzieci» jon zarabiŭ amal 14 tysiač biełaruskich rubloŭ, abo kala 2 tysiač za sieryju.
Takim čynam, atrymlivajecca, što Biełteleradyjokampanija tolki na hanarary dvuch miedyjnych viadoŭcaŭ patraciła amal 74 tysiačy biełaruskich biudžetnych rubloŭ — amal 20 tysiač jeŭra.
Minadukacyi rekamienduje krucić na školnych vypusknych pieśni niaviestki Łukašenki
Viadomaja biełaruskaja biznesvumen — i žonka praŭładnaha błohiera-miljońnika — šukaje arandataraŭ dla svajho katedžu. Košt vaŭ!
«Ludzi saromielisia, što pryjechali. Jašče i kantrakt na hod padpisvaješ». Błohiery raskazali pra zakuliśsie kastynhu na praŭładnaje realici-šou
U Biełarusi zapuskajuć realici-šou dla błohieraŭ, hałoŭny hość — Volha Buzava
Kamientary