223 nasielenyja punkty adklučalisia ad elektraenierhii praź niepahadź
Za pieryjad niepahadzi z učorašniaha dnia ad elektrazabieśpiačeńnia adklučalisia 223 nasielenyja punkty. U adnaŭlenčych pracach byli zadziejničany bolš za 120 enierhietykaŭ u liku avaryjnych bryhad, što pracujuć na miescach incydentaŭ, paviedamlaje Minskenierha.
Pa stanie na 8:00 ranicy raboty praciahvajucca ŭ 25 nasielenych punktach.
Enierhietyki pracujuć nad adnaŭleńniem elektrazabieśpiačeńnia, užyvajučy ŭsie nieabchodnyja resursy i technałohii dla minimizacyi času adklučeńniaŭ.
Pa prahnozach Biełhidramieta, składanaje nadvorje budzie zachoŭvacca i na praciahu siońniašniaha dnia.
«U vypadku vyjaŭleńnia abarvanych pravadoŭ linij elektrapieradačy — nie padychodźcie da ich bližej za 8 mietraŭ i nieadkładna paviedamlajcie pra hetyja fakty. Karotki numar avaryjnych słužbaŭ — 115 i 144», — zaklikajuć u «Minskenierha»..
Kamientary