Zialenski: Pucin nijak nie moža źmirycca z tym, što treba pierastać zabivać
Prezident Ukrainy Uładzimir Zialenski prakamientavaŭ masavanuju rasijskuju ataku, u vyniku jakoj zahinuła čatyrochhadovaja dziaŭčynka, jość inšyja achviary, razburajecca enierhietyka i inšaja krytyčnaja infrastruktura krainy.
«Z nočy praciahvajecca masavany rasijski ŭdar pa Ukrainie, pierš za ŭsio pa našaj enierhietycy, pa cyvilnaj infrastruktury, litaralna pa ŭsioj infrastruktury žyćcia. Było ŭžo bolš za 650 dronaŭ, i značnaja častka — heta «šachiedy». Bolš za try dziasiatki rakiet», — skazaŭ Zialenski.
Na hety momant na bolšaj častcy terytoryi Ukrainy zachoŭvajecca režym pavietranych tryvoh. Na Kijeŭščynie ad udaru rasijskaha drona zahinuła žančyna. Viadoma pra zahinułaha čałavieka na Chmialniččynie. Na Žytomiraŭščynie zahinuła čatyrochhadovaje dzicia — rasijski dron trapiŭ u žyły dom.
Ahułam pad udaram byli ŭžo jak minimum 13 abłaściej.
«Hety rasijski ŭdar nadzvyčaj jasna sihnalizuje pra rasijskija pryjarytety. Udar pierad Kaladami, kali ludzi chočuć pabyć prosta sa svaimi rodnymi, doma, u biaśpiecy. Udar faktyčna ŭ razhar pieramoŭ, jakija viaducca, kab zakončyć hetuju vajnu.
Pucin nijak nie moža źmirycca z tym, što treba spynić zabojstvy. I heta aznačaje, što śviet ciśnie na Rasiju niedastatkova. Zaraz treba reahavać. Treba daciskać Rasiju da miru i harantavanaj biaśpieki», — kaža Zialenski.
Jon havoryć, što nielha nie zabyvać, što kožny dzień — i ŭ budni, i ŭ śviaty — Ukraina abaraniaje žyćcio ludziej.
«SPA dla Ukrainy, finansavańnie na zakupku zbroi, pastaŭki enierhietyčnaha abstalavańnia — usio heta pracesy, jakija nie sychodziać na vychodnyja», — dadaŭ jon.
Prezident Ukrainy padziakavaŭ usim, chto dapamahaje Ukrainie.
Ciapier čytajuć
«Nadzieja Ściapanaŭna». Mikita Najdzionaŭ apublikavaŭ paemu, jakaja naradziłasia ŭ Žodzinskaj turmie. Takoha paetyčnaha epasu ŭ biełaruskaj paezii XXI stahodździa jašče nie było44
«Nadzieja Ściapanaŭna». Mikita Najdzionaŭ apublikavaŭ paemu, jakaja naradziłasia ŭ Žodzinskaj turmie. Takoha paetyčnaha epasu ŭ biełaruskaj paezii XXI stahodździa jašče nie było4
«Jość u Biełarusi ludzi, jakim nie padabajecca rasijski ściah, saviecki ściah». Rasijaninu na BMW X7 ź niamieckimi numarami paškodzili aŭto ŭ Minsku4747
Kamientary
Usio tak, vy ciśniecie na jaho, kab atrymać lepšyja dla siabie ŭmovy miru, a jon ciśnie na vas, kab atrymać lepšaje dla siabie.
Chto kaho dažmie, toj i pieramoža.