Kala 250 miljonaŭ pčoł uciakli ź pierakulenaha hruzavika ŭ amierykanskim štacie Vašynhton u piatnicu, što prymusiła ŭłady papiaredzić nasielnictva pra niebiaśpieku nabližeńnia da hetych nasiakomych, piša Bi-bi-si.
Hruzavik, jaki pieravoziŭ bolš za 31 tonu vullaŭ ź miadovymi pčołami, pierakuliŭsia na darozie pablizu miažy z Kanadaj. Na dapamohu avaryjnym słužbam pryjechali niekalki daśviedčanych pčalaroŭ.
«Meta — vyratavać jak maha bolš pčoł», — zajavili ŭ ofisie šeryfa akruhi Uatkom nieŭzabavie paśla zdareńnia.
Ułady paviedamili, što miesca avaryi zastaniecca zakrytym «da zaviaršeńnia vyratavalnaj apieracyi». «250 miljonaŭ pčoł ciapier na voli, — napisaŭ šeryf akruhi. — PAŹBIAHAJCIE HETAHA RAJONA z-za mahčymaści napadaŭ i skapleńnia pčoł». «Płan zaklučajecca ŭ tym, kab dazvolić pčołam viarnucca ŭ vulli i znajści svaju matku, — adznačyli ŭ ofisie šeryfa. — Heta pavinna adbycca na praciahu nastupnych 24—48 hadzin».
Uviečary ŭ piatnicu palicyja ŭ sacsietkach padziakavała «cudoŭnaj supolnaści pčalaroŭ» — pavodle ich, na dapamohu pryjechała bolš za dva dziasiatki čałaviek.
«Da ranicy bolšaść pčoł pavinny viarnucca ŭ svaje vulli», — napisali pradstaŭniki WCSO u fejsbuku.
Na apublikavanych palicyjaj kadrach bačna, jak vielizarnaja kolkaść pčoł rojacca vakoł hruzavika.
Choć niekatoryja pčalary zajmajucca vyklučna vytvorčaściu miodu, mnohija taksama zdajuć vulli ŭ arendu fiermieram, jakim patrebny pčoły dla apyleńnia sielskahaspadarčych kultur.
Ciapier čytajuć
Kiraŭnika markietynhavaj kampanii prysudzili da 7,5 hoda za sacyjałahičnaje daśledavańnie pra kavid u Biełarusi — «zdrada dziaržavie»5
Kiraŭnika markietynhavaj kampanii prysudzili da 7,5 hoda za sacyjałahičnaje daśledavańnie pra kavid u Biełarusi — «zdrada dziaržavie»
«Na kancertach niama miesca radykalnamu nacyjanalizmu, ahresii i hvałtu». Maks Korž vykazaŭsia nakont skandału, jaki razhareŭsia paśla jaho vystupu ŭ Varšavie3434
«Na kancertach niama miesca radykalnamu nacyjanalizmu, ahresii i hvałtu». Maks Korž vykazaŭsia nakont skandału, jaki razhareŭsia paśla jaho vystupu ŭ Varšavie34
Biełaruska arhanizavała adpačynak dla dziaciej palitviaźniaŭ na Łazurnym bierazie. Jana raskazała, jak uciakała z krainy i jak jaje zatrymlivaŭ Interpał1212
Kamientary