Nacyjanalny bank z 20 žniŭnia 2025 hoda vypuskaje ŭ abaračeńnie pamiatnyja maniety «Bylinka i vierabiej» sieryi «Biełaruskija narodnyja kazki», a taksama pamiatnyja maniety «Zahadki» sieryi «Biełaruski dziciačy falkłor», piša BIEŁTA.
Što datyčycca maniet «Bylinka i vierabiej», płanujecca vypuścić siarebranuju naminałam Br20, masaj 33,63 h, probaj spłavu 925, dyjamietram 50 mm, tyražom 2 tys. štuk, a taksama miedna-nikielevuju naminałam Br1, masaj 49 h, dyjamietram 50 mm, tyražom 5 tys. štuk.
Maniety majuć kruhłuju formu. Bakavaja pavierchnia hładkaja. Na aviersie ŭ centry — stylizavanaja vyjava pa matyvach biełaruskaha falkłoru. Na reviersie ŭ centry — stylizavanaja vyjava vierabja, pa kruzie — vyjavy kazačnych piersanažaŭ i pradmietaŭ (palaŭničy, vaŭki, kaza, kury, dubinka, vały, vada, ahoń, viaroŭka), u centry ŭnizie — nadpis «Bylinka i vierabiej».
Pamiatnyja maniety «Zahadki» płanujuć vypuścić u nastupnym farmacie: siarebranuju naminałam Br20, masaj 33,63 h, probaj spłavu 925, dyjamietram 38,61 mm, tyražom 2 tys. štuk, a miedna-nikielevuju — naminałam Br1, masaj 26,6 h, dyjamietram 37 mm, tyražom 5 tys. štuk.
Na aviersie ŭ centry — stylizavanaja vyjava byka i siłuety aviečak. Na reviersie ŭ centry — stylizavanyja vyjavy aviečak, parastkaŭ harochu i harošyn, simvalizujučych zorki, unizie — vyjava byka, sprava ŭviersie — Jaroch (piersanaž z zahadki), sprava ŭnizie — nadpis «Zahadka».
Vypuščanyja ŭ abaračeńnie maniety źjaŭlajucca zakonnym płaciežnym srodkam Biełarusi i abaviazkovy da pryjomu pa naminalnym košcie pry ŭsich vidach płaciažoŭ biez usialakich abmiežavańniaŭ.
-
Štučny intelekt nie vaš supiernik, a vaš pamočnik. Daviarajcie inavacyjam, vam prosta daviadziecca ŭvieś čas padvučvacca
-
Narviehija stvaraje «Tinder dla navukoŭcaŭ i biznesu». Urad budzie apłačvać «pieršaje spatkańnie»
-
Amierykancy lubiać havaryć pra zaniapad Jeŭropy. Ale bolšaść jeŭrapiejcaŭ žyvie lepš za ich. Praŭda, jašče nie biełarusy
Ciapier čytajuć
Hety biełarus daśleduje rak — voś što jon kaža pra SPF ad miełanomy, navukovy prahres i samy składany ŭ lačeńni rak3
Kamientary