Rasija minułaj nočču znoŭ atakavała «šachiedami» azierbajdžanskuju naftabazu
U noč na 18 žniŭnia naftabaza, jakaja naležyć azierbajdžanskaj SOCAR i znachodzicca ŭ Adeskaj vobłaści, padvierhłasia sieryi atak z vykarystańniem bieśpiłotnikaŭ.
Jak paviedamlaje APA, paśla niekalkich pramych traplańniaŭ na bazie ŭźnik pažar.
U vyniku byli paškodžany 17 paliŭnych reziervaŭ, budynak nasosnaj stancyi, apieratarskija i techničnyja pamiaškańni. Aharodža terytoryi razburana.
U ciapierašni čas pravodzicca acenka škody, pryznačana ekśpiertyza i viaducca terminovyja adnaŭlenčyja raboty.
Heta ŭžo nie pieršaja masavaja ataka na abjekt. 8 žniŭnia pa hetaj ža naftabazie taksama było vypuščana kala 10 bieśpiłotnikaŭ, u vyniku čaho byli zafiksavany častkovyja razbureńni.
Tydzień tamu padčas telefonnaj razmovy Zialenskaha i prezidenta Azierbajdžana baki asudzili avijaŭdary Rasii pa naftabazie azierbajdžanskaj kampanii SOCAR i inšych abjektach Azierbajdžana na terytoryi Ukrainy. Azierbajdžan paviedamiŭ, što rychtuje adkaz na ŭdary Rasii pa azierbajdžanskich naftahazavych abjektach va Ukrainie. Pavodle insajdaraŭ, aficyjny Baku moh by źniać embarha na pastaŭki ŭzbrajeńnia Ukrainie. Taksama prezident Azierbajdžana vydzieliŭ dva miljony dalaraŭ na humanitarnuju dapamohu Ukrainie.
Kamientary