U Raduni na aŭkcyjonie pradali budynak, u jakim kaliści znachodziłasia viadomaja ješyva — jaŭrejskaja relihijnaja škoła. Jaje zasnavaŭ u 1882 hodzie rabin Chafiec Chaim, i ŭ joj vučylisia sotni vučniaŭ. Paźniej u budynku raźmiaścili Dom kultury, a ciapier jaho pradali za 322 tysiačy rubloŭ, piša Hrodna.life.
Raniej byli płany stvaryć u hetym miescy turystyčny centr dla jaŭrejskich pałomnikaŭ: dumali pabudavać hatel, sinahohu, restaran z kašernaj kuchniaj. Ale prajekt tak i nie realizavali.
Novy ŭładalnik moža vykarystoŭvać budynak jak zaŭhodna — adkryć kramu, ofis, kaviarniu ci navat supiermarkiet. Abjekt nie maje statusu historyka-kulturnaj kaštoŭnaści, tamu niama patrabavańniaŭ zachoŭvać jaho ŭ aryhinalnym vyhladzie.
Mahiła rabina Chafiec Chaima, jaki pamior u 1933 hodzie, niekali była źniščanaja — ci to savieckimi ŭładami, ci to padčas nacysckaj akupacyi. Ale paźniej jaje adnaviła jaŭrejskaja abščyna. U apošnija hady Raduń pryciahvała pałomnikaŭ ź Izraila i inšych krain, jakija pryjazdžali ŭšanoŭvać pamiać znakamitaha rabina.
Niahledziačy na histaryčnaje značeńnie, budynak ješyvy zastaŭsia pa-za ŭvahaj dziaržavy, a płany pa raźvićci relihijnaha turyzmu zastalisia tolki na papiery.
Ciapier čytajuć
Biełaruska raspačała čelendž «40 spatkańniaŭ», ale ŭžo na siaredzinie nie chavaje rasčaravańnia ŭ mužčynach25
Kamientary