Minskaha kryminalnaha aŭtaryteta asudzili za palityku i pryznali ekstremistam
Aleh Jerašenkaŭ atrymaŭ čarhovy termin — ale ciapier z palityčnym adcieńniem.
Minski abłasny sud vynies prysud 59-hadovamu Alehu Jerašenkavu (raniejšaje proźvišča — Łamakin). Miechanika z aŭtaservisu, jakoha dziaržaŭnyja miedyja nazyvali «aŭtarytetam z peŭnych kołaŭ», asudzili pa cełym pakiecie artykułaŭ, u tym liku i palityčnych. Za košt hetaha recydyvist trapiŭ u milicejski śpis «ekstremistaŭ».
U prysudzie Jerašenkava dva palityčnyja artykuły — zakliki da zachopu ŭłady (361 č.3) i ŭvachodžańnie ŭ skład ekstremisckaha farmiravańnia (361-1 č.3). A taksama nabor niepalityčnych — dapamoha ŭ prymusie da vypłaty doŭhu, pahroza zabojstva, razboj i navat raspusnyja dziejańni ŭ dačynieńni asoby, maładziejšaj za 16 hadoŭ.
U abvinavačvańni byŭ jašče artykuł pra publičnuju demanstracyju porna, ale jon urešcie advaliŭsia.
Aproč taho, siłaviki nie traciać nadziei dakazać, što mienavita Jerašenkaŭ ździejśniŭ zabojstva ŭ 1997 hodzie. Tady ź jahonaha revalviera zabili čałavieka, ale Jerašenkaŭ davodzić, što stralaŭ nie jon.
Ahułam ža ŭ Jerašenkava šmat raniejšych sudzimaściaŭ za razboj, kradziažy, uhony, a taksama inšyja złačynstvy.
Ciapier čytajuć
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary
Chočieš, nie chočieš, a, podchody i diejstvija skotnoho dvora, tiebia vytołknut v politiku, jeśli ty nie sohłašaješsia na rol biezmołvnoho raba i obsłuhi skotnoho dvora łukašienko.
Heta ŭłada zdurnieła daŭno ad nie źmianiajemaści, i ŭžo hadzić nacyi svajoj niaźmiennaj duraściu. Blin, słoŭ niama.