Vyvučeńnie dakumientaŭ dziaržaŭnych zakupak zaśviedčyła, što «Biełtieleradyjokampanija», hałoŭny dziaržaŭny miedyjachołdynh Biełarusi, štohod vydatkoŭvaje miljony biudžetnych rubloŭ na tranślacyju prapahandy na roznych kantynientach, piša «Biuro».
Z 2022 hoda kampanija nabyvaje pasłuhi spadarožnikavaj suviazi dla raspaŭsiudžvańnia teleprahramy «Biełaruś 24» i radyjoprahramy «Biełaruś». Siarod pastaŭščykoŭ — rasijskija kampanii, azierbajdžanskaje kaśmičnaje ahienctva «Azierkosmas» i biełaruski zavod elektramiechaniki.
U 2025 hodzie ŭžo apłačana tranślacyja kantentu:
- pa ŭsioj terytoryi Rasii;
- u Centralnaj i Zachodniaj Azii (u tym liku poŭny achop Azierbajdžana, Armienii i Hruzii);
- u Zachodniaj, Uschodniaj, Paŭnočnaj (z abaviazkovym pakryćciom Vialikabrytanii, Irłandyi, Łatvii, Litvy i Estonii) i Paŭdniovaj Jeŭropie (z poŭnym pakryćciom Sierbii);
- u Paŭdniovaj Amierycy i krainach Karybskaha basiejna;
- u roznych rehijonach Afryki, u tym liku ŭ Zimbabve.
Na sajcie kanała «Biełaruś 24» zajaŭlajecca, što viaščańnie viadziecca ŭ bolš čym 170 krainach śvietu.
Pry hetym «Biełtieleradyjokampanija» patrabuje, kab spadarožnikavy sihnał kantralavali tolki kampanii z krain, što nie pryznanyja «niedružalubnymi» da Biełarusi. Ale tranślacyja kanała ŭ hetych samich «niedružalubnych» krainach usio adno źjaŭlajecca abaviazkovaj.
Pa stanie na 2025 hod zaklučana kantraktaŭ bolš jak na 2 miljony biełaruskich rubloŭ (prykładna 550 tysiač jeŭra). Najbolš darahoje viaščańnie — u Rasiju (amal 700 tysiač rubloŭ), u Jeŭropu i Aziju — kala 780 tysiač, a ŭ Paŭdniovuju Amieryku, Karyby i Afryku — prykładna 565 tysiač rubloŭ. Usio heta finansujecca ź biudžetu.
Z 2022 pa 2025 hod dziaržkampanija vydatkavała na mižnarodnaje viaščańnie amal 8 miljonaŭ biełaruskich rubloŭ, abo kala 2,5 miljona jeŭra.
Ciapier čytajuć
Ździełka Trampa z Pucinym: čym za jaje mohuć zapłacić Ukraina i Biełaruś3
Ździełka Trampa z Pucinym: čym za jaje mohuć zapłacić Ukraina i Biełaruś
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski77
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski7
«Zaprasiŭ mianie na spatkańnie i pryjechaŭ na jaho z pakietam pamidoraŭ zamiest kvietak». Što ŭspaminajuć pra Jana Pamiedora Reuckaha, admina šmattysiačnaj supołki biełarusaŭ Polščy77
Kamientary