17 červienia pravaabaroncy pryznali palitviaźniami jašče 4 čałaviek. Ahulnaja kolkaść ludziej, jakija na siońnia pryznanyja ŭ Biełarusi palitviaźniami, składaje 1188 čałaviek.
U śpis palitźniavolenych byli dadadzienyja nastupnyja proźviščy:
Maksim Urbanovič, Mikałaj Lapioška, Alaksandr Nievar, Maksim Lepušenka.
Chto hetyja ludzi i čamu pravaabaroncy ličać ich spravy palityčna matyvavanymi, možna daviedacca tut.
Śpis usich palitviaźniaŭ Biełarusi — tut.
Usiaho na hety momant palitviaźniami, pavodle acenak pravaabaroncaŭ, pryznanyja 1188 čałaviek. Apošnim časam ahulnaja ich kolkaść istotna nie raście i navat časam źmianšajecca. Ale heta nie tamu, što represii ŭ Biełarusi mienšajuć, — prosta paralelna z novymi vypadkami źniavoleńnia pa kryminalnych spravach idzie praces vyzvaleńnia tych asudžanych, chto całkam adbyŭ svoj termin. Niekatorych vyzvalajuć i pa pamiłavańniach, choć na ich miesca niaspynna nabirajuć novych viaźniaŭ. Taksama sudy niekatorym prysudžajuć «chatniuju chimiju», paśla čaho čałaviek vychodzić z turemnych ścien, tamu bolš nie ličycca viaźniem.
Varta taksama ŭličvać, što ŭ statystyku ŭvachodziać daloka nie ŭsie, chto znachodzicca ŭ źniavoleńni z palityčnych pryčyn, realnaja kolkaść biełaruskich palitviaźniaŭ bolšaja. Pra niekatorych pravaabaroncam prosta ničoha nie viadoma.
Dyrektarku pieciarburhskaj kniharni aštrafavali na 250 dalaraŭ za knihu biełaruskaha palitviaźnia
«U naš čas u Chrysta była b žoŭtaja birka». Były palitviazień Alaksandr Tarasienka raspavioŭ pra svoj dośvied za kratami
Što moža čakać tych, kaho buduć sudzić pa spravie «Biełaruskaha Hajuna»?
Stała viadoma pra vyzvaleńnie palitviaźnia sa Žłobina
Ciapier čytajuć
Śviatłana Cichanoŭskaja zaviała treds. Što joj pišuć biełarusy?4
Kamientary