Pra namier uładaŭ uvieści kryminalnuju adkaznaść za niezakonnyja dziejańni ź bieśpiłotnikami paviedamiŭ namieśnik staršyni kamisii pa zakanadaŭstvie Pałaty pradstaŭnikoŭ Andrej Lis. Pavodle jaho słoŭ, adpaviedny zakonaprajekt byŭ padrychtavany Savietam ministraŭ jašče ŭ krasaviku i ciapier znachodzicca na razhladzie, paviedamlaje rasijskaje vydańnie Sputnik.
Dakumient raspracavany na padstavie ŭkaza Łukašenki ab dziaržaŭnym uliku i vykarystańni cyvilnych bieśpiłotnikaŭ. Jon vyznačaje asablivy paradak ich uvozu, zachoŭvańnia i vykarystańnia, a taksama rehuluje abarot avijamadelaŭ.
«Ciapier navat takija, zdavałasia b, mirnyja i biaśpiečnyja rečy, jak drony, šyroka vykarystoŭvajucca ŭ zonach bajavych dziejańniaŭ, mohuć prymianiacca dla terarystyčnych aktaŭ i kantrabandy», — zajaviŭ Lis.
Jon padkreśliŭ, što svabodny abarot i niekantralavany ŭvoz takich pryład ujaŭlajuć pahrozu nacyjanalnaj biaśpiecy. Tamu zakonaprajekt praduhledžvaje administracyjnuju adkaznaść za niezakonny ŭvoz, zachoŭvańnie, vyrab i ekspłuatacyju dronaŭ.
Adnak kali padobnyja parušeńni buduć ździejśnieny paŭtorna ciaham hoda — nastanie ŭžo kryminalnaja adkaznaść. Maksimalnaje pakarańnie — da dvuch hadoŭ pazbaŭleńnia voli.
Ciapier čytajuć
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB23
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ44
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ4
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści66
Kamientary