U Mahilovie siem štrafaŭ za pieravyšeńnie chutkaści atrymała žančyna, jakaja navat nie chodzić
U Mahilovie žančyna ź pieršaj hrupaj invalidnaści, jakaja navat nie chodzić i nikoli nie mieła pravoŭ na kiravańnie aŭtamabilem, atrymała siem štrafaŭ za pieravyšeńnie chutkaści. Ahulnaja suma štrafaŭ skłała bolš za 200 rubloŭ.
Paśla atrymańnia skarhi prakuratura Mahilova ŭstanaviła, što hetaja žančyna nie mahła być za rulom, bo fizična nie zdolnaja kiravać aŭtamabilem.
Aŭtamatyčnyja kamiery zafiksavali parušeńni na terytoryi Minskaj i Mahiloŭskaj abłaściej u listapadzie 2024 hoda, a taksama ŭ sakaviku i krasaviku 2025-ha. Pratakoły skłali na žančynu, bo mašyna aformlenaja na jaje imia.
Paśla pravierki prakuratura damahłasia admieny ŭsich pastanoŭ, a DAI skasavała ŭsie siem štrafaŭ. Paźniej sapraŭdny kiroŭca, jaki parušaŭ praviły, byŭ znojdzieny, i ciapier adkaznaść niasie jon.
Kamientary