«Takoje — paŭsiudna». Videa z karovami ŭ hrazi ŭ Dobrušskim rajonie stała virusnym u sacsietkach
U sacyjalnych sietkach šyroka raspaŭsiudziłasia videa, nibyta ź fiermy ŭ vioscy Antonaŭka Dobrušskaha rajona. Na kadrach bačna, jak karovy ŭ zahonie chodziać pa hrazi i hnoi.
Zapisy źjavilisia dniom raniej i byli vykładzieny z ananimnaha akaŭnta, zaŭvažyŭ «Fłahštok». Fierma ŭ Antonaŭcy sapraŭdy isnuje — jana naležyć dziaržaŭnamu pradpryjemstvu AAT «Čyrvonaja Buda», pra jakoje amal niama zhadvańniaŭ u internecie. Telefony haspadarki niedastupnyja — mahčyma, adklučanyja.
Viadoma, što ŭ 2018 hodzie KDK vyjaviŭ na hetym pradpryjemstvie masavyja parušeńni: niedachop statka, prypiski vahi, zavyšeńnie abjomaŭ vytvorčaści i skažeńnie spravazdačnaści.
Jakaść videa i niedachop padrabiaznaściej nie dazvalajuć dakładna paćvierdzić, što zdymki zrobleny mienavita na hetaj fiermie.
Ale pad videa — tysiačy kamientaroŭ, u jakich karystalniki dzielacca svaimi nazirańniami — vyśvietliłasia, što prablema raspaŭsiudžanaja ŭ mnohich sielhaspradpryjemstvach.
Častka kamientataraŭ nie vieryć, što «takoje mahčyma ŭ Biełarusi», ale bolšaść śćviardžaje, što padobnaja situacyja — zvyčajnaja źjava. Niekatoryja adznačajuć, što ŭmovy ŭtrymańnia bujnoj rahataj žyvioły na adkrytych zahonach pahoršyli daždžy.
Karystalniki pišuć:
- «Dobrušski rajon uvieś taki».
- «80% takich fierm u Biełarusi».
- «Takoje biezładździe adbyvajecca va mnohich haspadarkach, u Rahačoŭskim rajonie (u bok Doŭska) amal paŭsiudna! Na papiery ŭsio dobra i hładka, a nasamreč — da śloz!»
- «U mianie ŭ vioscy takaja ž fierma jość, paśla daždžoŭ karovy pa vymia płavajuć».
- «Kalinkavicki rajon, Zamoście — toje samaje».
- «Ja taksama takoje bačyŭ, pakul nie aharadzili bietonnym płotam ad starońnich vačej! Vioska Zarečča, Mikałajeŭski sielsaviet Śvietłahorskaha rajona».
U kamientaryjach nazyvajuć i adrasy ź inšych rehijonaŭ krainy.
Šmat chto z kamientataraŭ i sam aŭtar videa chočuć, kab heta «dajšło da Łukašenki». Pry hetym adznačajecca, što toj dobra viedaje pra ahulnuju situacyju, ale na publiku robić «pakazuchu».
-
Jon adkryta nazyvaŭ rasijskich vajskoŭcaŭ akupantami, a rasijskuju ŭładu — fašysckaj. Za kraty kinuli supracoŭnika MTBanka
-
Rejtynh najlepšych haradoŭ śvietu — 2026. Na jakim miescy Minsk?
-
Biełaruska pierakładała dla prezidenta Ekvadora, pracavała ściuardesaj, a ciapier adkryła ŭ Mieksicy svaju moŭnuju škołu «Ruskaja z ruskaj»
Ciapier čytajuć
Najbujniejšaj u śviecie fan-supolnaściu Łedzi Hahi kiruje chłopiec ź Minska, jaki adsiedzieŭ za pratesty. Rasijanie paśpiašalisia zapisać jaho ŭ svaje1616
Kamientary