Minčuk na «Leksusie», jaki tajamniča źnik i jakoha šukali niekalki dzion, sam pryjšoŭ na zapraŭku pad Łahojskam
Kaža, što nibyta ačomaŭsia ŭ lesie, ničoha nie pamiataŭ i pajechaŭ na aŭtazapraŭku.
Znojdzieny 46-hadovy žychar Minska Kirył Šablinski, jaki źnik viečaram 4 žniŭnia ŭ ahraharadku Dračkava Smalavickaha rajona i paźniej byŭ zaŭvažany na zapisach kamier videanazirańnia ŭ haradskim pasiołku Pleščanicy Łahojskaha rajona, piša Kraj.by.
Šablinski źnik razam sa svaim aŭtamabilem «Leksus», na jakim jon pryjazdžaŭ da maci ŭ Dračkava. U Pleščanicach, za 87 kiłamietraŭ ad miesca źniknieńnia minčuka. 6 žniŭnia vałanciory pošukava-vyratavalnaha atrada «Anioł» šukali jaho ŭvieś viečar i ŭsiu noč. Pošuki akazalisia biezvynikovymi.
Kamandzir PVA «Anioł» Siarhiej Koŭhan u subotu padzialiŭsia dobraj navinoj: minčuk, źniknieńnie jakoha ŭžo nie viedali jak tłumačyć, sam na svajoj mašynie pryjechaŭ na adnu z aŭtazapravačnych stancyj pad Łahojskam.
— 8 žniŭnia kala abieda nam paviedamili, što Kirył Šablinski znojdzieny, — raspaviadaje Siarhiej Koŭhan.
— Historyja davoli dziŭnaja, — adznačaje kamandzir «aniołaŭ». — Kirył pryjechaŭ na aŭtazapraŭku i tam paprasiŭ telefon, kab patelefanavać svajoj žoncy. Da hetaha času byli ŭstanoŭleny śviedki, jakija bačyli minčuka niedaloka ŭ lesie.
Aktyŭnymi pošukami ŭ miežach apieratyŭna-vyšukovych mierapryjemstvaŭ zajmalisia supracoŭniki milicyi, jakija prahladali zapisy z kamier videanazirańnia. Ja dumaju, što jany sami b znajšli Šablinskaha rana ci pozna. Kali jon z aŭtazapraŭki patelefanavaŭ žoncy i paprasiŭ jaje pryjechać, to razam z žonkaj na AZS amal adnačasova pryjechali i milicyjaniery.
Pavodle słoŭ Siarhieja Koŭhana, Kirył Šablinski niešmatsłoŭny ŭ tłumačeńniach, dzie jon uvieś hety čas znachodziŭsia.Kaža, što nibyta ačomaŭsia ŭ lesie, ničoha nie pamiataŭ i pajechaŭ na aŭtazapraŭku.
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary