Na rasijskim rynku nazirajecca pieranasyčeńnie cemientam, z-za čaho niekatoryja vytvorcy pierachodziać na skaročany pracoŭny tydzień. Najbujniejšy miascovy vytvorca «Ciemros» prapanavaŭ ustalavać limit impartu ŭ 1,5 miljonaŭ ton u hod i ŭvieści antydempinhavyja pošliny, u pieršuju čarhu suprać Biełarusi — hałoŭnaha zamiežnaha pastaŭščyka, piša vydańnie «Biełorusy i rynok».
Z 1 kastryčnika «Ciemros» pierachodzić na čatyrochdzionny pracoŭny tydzień, tłumačačy heta padzieńniem spažyvańnia cemientu ŭ Rasii i rostam impartu. Pavodle «Sajuzcemienta», asnoŭnyja zamiežnyja pastaŭščyki — Biełaruś, Kazachstan, Iran, a taksama Kitaj i Vjetnam.
Z 2019 pa 2024 hod spažyvańnie cemientu ŭ Rasii vyrasła mienš čym na 16%, u toj čas jak impart amal patroiŭsia. Na pačatak hetaha leta jaho abjomy ź Biełarusi, Irana i Kazachstana stali supastaŭnymi z zabieśpiačeńniem šaści-siami rehijonaŭ RF abo pradukcyjnaściu dvuch-troch bujnych zavodaŭ. Pry hetym rasijskija pradpryjemstvy pracujuć ź niedazahruzkaj i navat spyniajuć vytvorčaść.
«Ciemros» ličyć, što zamiežnyja pastaŭščyki atrymlivajuć vyhadu ad mier padtrymki budaŭničaj haliny, uviedzienych u 2020—2023 hadach dla ŭnutranych vytvorcaŭ. Kampanija prapanuje zamacavać abjom impartu na ŭzroŭni, jaki byŭ da lhotnaj ipateki, kab zabiaśpiečyć zahruzku ŭłasnych mahutnaściaŭ i stabilnaść dziaržaŭnaj palityki ŭ halinie.
Pry niehatyŭnym scenary spažyvańnie cemientu ŭ Rasii ŭ 2025 hodzie moža źnizicca na 10—15% u paraŭnańni z 2024 hodam, kali jano skłała kala 67 miljonaŭ ton.
Ciapier čytajuć
Maŭrykij, Siejšeły, Šry-Łanka i nie tolki: pahladzieli, kudy źbiehli ad biełaruskich marazoŭ praŭładnyja artysty i viadučyja15
Kamientary