U Biełaviežskaj puščy znajšli paparać, jakaja chavajecca pad ziamloj
U Biełaviežskaj puščy navukoŭcy vyjavili novuju, davoli vialikuju papulacyju redkaj raśliny — vužoŭnika zvyčajnaha. Pry palavych daśledavańniach supracoŭniki navukovaha adździeła znajšli kala 70 raślin, što rastuć u vysokaj travie na ŭskrajku lesu, dzie rastuć biaroza pušystaja i volcha čornaja, piša pres-słužba Nacyjanalnaha parku «Biełaviežskaja pušča».
Vužoŭnik zvyčajny — heta redkaja šmathadovaja paparać, jakaja značna adroźnivajecca ad zvyčajnych vidaŭ. Vužoŭnik naležyć da staražytnaj i evalucyjna asobnaj hrupy raślin. Liście ŭ jaho prostaje, padobnaje chutčej da łandyšu abo majniku, čym da kłasičnaj paparaci, a spory ŭtvarajucca na śpiecyjalnaj častcy lista, jakaja nahadvaje kałasok.
Raślina moža niekalki hadoŭ nie źjaŭlacca nad ziamloj i vyžyvać dziakujučy simbijozu z hrybami, što robić jaje asabliva składanaj dla pošuku ŭ pryrodzie.
Vužoŭnik uklučany ŭ Čyrvonuju knihu Biełarusi jak vid, jaki patrabuje prafiłaktyčnaj achovy. Jon ličycca niedastatkova vyvučanym i znachodzicca pad pahrozaj źniknieńnia, tamu patrabuje asablivaj uvahi z boku navukoŭcaŭ i ekołahaŭ.
Ciapier čytajuć
Šrajbman z kalehami prapanavali pakrokavy płan deeskałacyi adnosin Biełarusi i ES35
Šrajbman z kalehami prapanavali pakrokavy płan deeskałacyi adnosin Biełarusi i ES
«Ja ich ni pra što nie prasiŭ i tym bolš — vysyłać mianie z radzimy». Departavanyja palitviaźni rezka adkazali Kavaleŭskamu. Nie abyšłosia biez abrazaŭ4444
Kamientary