U Babrujsku łoś zalez praz akno ŭ chatu, učyniŭ pahrom i ŭlohsia na haspadarskaj kanapie
Žychar Babrujska apublikavaŭ u tyktoku videa niezvyčajnaj śpiecapieracyi pa evakuacyi łasia z pryvatnaha doma. Pa słovach vidavočcy, žyvioła prakrałasia ŭ žyllo praz akno i ŭčyniła tam sapraŭdny razhrom.
Na kadrach bačna, što da momantu zdymak łoś užo lažaŭ biez ruchu kala ŭvachodu ŭ dom. Zatym jaho z dapamohaj krana pahruzili ŭ mašynu, piša Telegraf.
Da prybyćcia ratavalnikaŭ niaprošany hość paśpieŭ nanieści značnuju škodu: raźbiŭ uvieś posud u pakoi, zabraŭsia na haspadarski łožak (abo kanapu) i kidaŭsia pa chacie ŭ pošukach vychadu. «Zaskočyŭ i loh na łožak, a potym tolki haspadary vyklikali MNS. Jany ŭžo ŭsio zrabili», — rastłumačyŭ aŭtar publikacyi.
U kamientarach razharelisia sprečki. Mnohija karystalniki vykazvali zaniepakojenaść za los žyvioły, u toj čas jak niekatoryja patrabavali «pakarać» łasia.
Aktyŭna abmiarkoŭvałasia pytańnie kampiensacyi škody. «Łasia škada, a toje, što jon uvieś dom razhramiŭ i ludziej napałochaŭ — nie škada? Ich stała zašmat u žyłych rajonach. I pa horadzie biehajuć, i ŭ vokny załaziać. Chto budzie kampiensavać škodu?» — napisaŭ adzin z karystalnikaŭ.
Incydent adbyŭsia ŭ mikrarajonie Babrujska «Skrypačka», dzie pieravažna pryvatnaja zabudova.
Ciapier čytajuć
«Patraciła 300 rubloŭ — a jašče tolki siaredzina červienia!» Biełarusy abmiarkoŭvajuć vydatki na pakos travy i dzielacca łajfchakami1
Kamientary