Papularnaja hrodzienskaja błohierka prarekłamavała kramu z tavarami, vyrablenymi ŭ kałonijach. Aŭdytoryja nie acaniła
«Etyčny błohier» Lenačka Łukašyk zrabiła ahlad kramy MUS i vyklikała abureńnie ŭ kamientarach.
Papularnaja błohierka z Hrodna Lenačka Łukašyk naviedała kramu «Jedin», jakaja adkryłasia ŭ testavym režymie. U joj pradajuć tavary, zroblenyja na pradpryjemstvach Departamienta vykanańnia pakarańniaŭ MUS. Błohierka prarekłamavała asartymient:
«Tut možna znajści pradukcyju dla sada i doma, raznastajnuju meblu, suvieniry, tekstyl, roznyja karciny i pradmiety interjeru».
Dziaŭčyna padkreśliła, što ŭsia pradukcyja — ručnoj raboty.
Aficyjnaje adkryćcio kramy zapłanavana na nastupny tydzień.
U kamientaryjach pad rolikam pačali aburacca.
«Vielmi etyčnaja rekłama rabskaj pracy. Ciapier by rekłamavać takoje ŭ krainie, dzie ahromnistaja kolkaść palitźniavolenych», — pišuć.
«Nu to bok, tavary, zroblenyja ŭ tym liku i rukami palitźniavolenych», — hučyć adzin z samych upadabanych kamientaroŭ.
«Zusim užo? Heta, u tym liku, tavary, jakija robiacca palityčnymi źniavolenymi režymu Łukašenki», — aburajecca inšy kamientatar.
«Za hetymi tavarami — pakuty i rabskaja praca ludziej, jakich ułada kinuła za kraty za ich pohlady. Rekłamavać takoje — amaralna».
Kamientar, jaki nabraŭ najbolšuju kolkaść padabajek, hučyć tak:
«Rekłama pradukcyi, jakuju vyrablajuć źniavolenyja. Zarpłata źniavolenych — prykładna 0,5 dalara ŭ dzień. Heta rabskaja praca. Rabstva ŭ XXI stahodździ. Nieetyčna rekłamavać takuju pradukcyju — heta amaralna».
Aŭtarka kamientara taksama napisała, što dasłała skarhu ŭ Instagram na hetaje videa i zaklikała inšych zrabić toje samaje.
«Ručnaja praca? Čym hetaja praca adroźnivajecca ad pracy ŭ niamieckich kancłahierach?» — zadajecca pytańniami jašče adzin karystalnik.
Niekatoryja napisali, što dla błohierki hrošy nie pachnuć, a «pieraabuvacca» budzie składana.
Sama Łukašyk u apisańni siabie akreślivaje jak «etyčny błohier».
Na momant padrychtoŭki materyjału tolki adna kamientatarka padtrymała błohierku i sam fakt pracy viaźniaŭ.
Chto takaja Lenačka Łukašyk?
Lenačka Łukašyk — 33‑hadovaja hrodzienka z amal 17 tysiačami padpisčykaŭ u Instagram. Błoh jana viadzie ŭžo kala 10 hadoŭ, za jakija paśpieła papracavać u roznych śfierach.
Łukašyk 9 hadoŭ adpracavała technikam-inžynieram u hrodzienskim vadakanale, 3,5 hoda — ofis-mieniedžaram u IT-kampanii. Ciapier ža prasoŭvaje dva restarany.
Ciapier čytajuć
Redki vypadak: pamiłavany biełaruski palitviazień pajšoŭ na vajnu suprać Ukrainy16
Redki vypadak: pamiłavany biełaruski palitviazień pajšoŭ na vajnu suprać Ukrainy
«Strelba kali i strelić, to naŭrad ci kulamiotnaj čarhoj». Maksim Znak acaniŭ realnaść pahroz biełaruskaj prapahandy pazbavić hramadzianstva palitemihrantaŭ1212
Kamientary
V 33 ty Leniŝa.
Prodvihať izdielija rabov 21 vieka...
Leniŝa - ty pozor Biełarusi!