U Vieniecyi pratestujuć suprać viasiella amierykanskaha miljardera Džefa Biezasa
Pa čutkach, na viasielli budzie 200 haściej i siarod ich niamała zorak — Kim Kardašjan, Leanarda Dy Kaprya, Opra Uinfry, Ivanka Tramp.
U Vieniecyi maje adbycca viasielle miljardera, zasnavalnika Amazon Džefa Biezasa i Łaren Sančes, byłoj teležurnalistki. Šmatdzionnaja viečarynka, jakaja, jak čakajecca, pačniecca 24 červienia, stanie samym maštabnym viasiellem u Vieniecyi z taho času, jak Džordž Kłuni ažaniŭsia z Amał Ałamudzin u 2014 hodzie.
Ale dziasiatki aktyvistaŭ pratestujuć suprać hetaha viasiella. Jany nie chočuć, kab abjekt Suśvietnaj spadčyny pieratvaryŭsia ŭ hulniavuju placoŭku dla bahatych, piša The Guardian.
Jak tolki mer Vieniecyi, miljanier Łuidžy Bruńjara, paćvierdziŭ u sakaviku, što para aženicca ŭ horadzie, aktyvisty pačali kampaniju «Niama miesca dla Biezasa».
Pa ŭsim horadzie źjavilisia płakaty z vyjavaj hałavy Biezasa na rakiecie, jakaja ŭźlataje ŭ kosmas, — adsyłka da jaho prajektu Blue Origin u halinie kaśmičnaha turyzmu. Udzielniki kampanii taksama razdavali ŭlotki na roznych tradycyjnych fiestyvalach italjanskaj kuchni i pravodzili hramadskija schody. Navat uzdymali płakat z nadpisam «Nie Biezasu» na zvanicy baziliki San-Džordža na adnajmiennym vieniecyjanskim vostravie, dzie, pa čutkach, para abmianiajecca klatvami.
Pa čutkach, na viasielli budzie 200 haściej i siarod ich niamała zorak — Kim Kardašjan, Leanarda Dy Kaprya, Opra Uinfry, Ivanka Tramp. Im zdymuć haściničnyja numary koštam 9000 jeŭra za noč.
U toj čas jak haradskija ŭłady zapeŭnivajuć, što viasielle Biezasa pryniasie horadu 9,7 miljona dalaraŭ, ich apanienty śćviardžajuć, što hetaje mierapryjemstva nie pryniasie karyści prostym vieniecyjancam. Bo horad i tak pakutuje ad napłyvu turystaŭ.
U Poznani hiniekołah vydaliŭ 24‑hadovaj biełaruscy matku i jaječniki bieź jaje zhody. Jamu pahražaje da 20 hadoŭ turmy12
Kamientary
[Zredahavana]