У Бабруйску лось залез праз акно ў хату, учыніў пагром і ўлёгся на гаспадарскай канапе
Жыхар Бабруйска апублікаваў у тыктоку відэа незвычайнай спецаперацыі па эвакуацыі лася з прыватнага дома. Па словах відавочцы, жывёла пракралася ў жыллё праз акно і ўчыніла там сапраўдны разгром.
На кадрах бачна, што да моманту здымак лось ужо ляжаў без руху каля ўваходу ў дом. Затым яго з дапамогай крана пагрузілі ў машыну, піша Тelegraf.
Да прыбыцця ратавальнікаў няпрошаны госць паспеў нанесці значную шкоду: разбіў увесь посуд у пакоі, забраўся на гаспадарскі ложак (або канапу) і кідаўся па хаце ў пошуках выхаду. «Заскочыў і лёг на ложак, а потым толькі гаспадары выклікалі МНС. Яны ўжо ўсё зрабілі», — растлумачыў аўтар публікацыі.
У каментарах разгарэліся спрэчкі. Многія карыстальнікі выказвалі занепакоенасць за лёс жывёлы, у той час як некаторыя патрабавалі «пакараць» лася.
Актыўна абмяркоўвалася пытанне кампенсацыі шкоды. «Лася шкада, а тое, што ён увесь дом разграміў і людзей напалохаў — не шкада? Іх стала зашмат у жылых раёнах. І па горадзе бегаюць, і ў вокны залазяць. Хто будзе кампенсаваць шкоду?» — напісаў адзін з карыстальнікаў.
Інцыдэнт адбыўся ў мікрараёне Бабруйска «Скрыпачка», дзе пераважна прыватная забудова.
Калега памерлага выкладчыка Шчукіна: Яго кінула жонка з дзецьмі, пачалася дэпрэсія. У выніку звольнілі за прагулы9
Каментары