Tramp paviedamiŭ pra zaviaršeńnie rasijska-ŭkrainskaha abmienu pałonnymi jašče da jaho pačatku
Prezident ZŠA Donald Tramp daterminova paviedamiŭ u sacyjalnych sietkach pra pačatak vialikaha abmienu pałonnymi pamiž Ukrainaj i Rasijaj — u farmacie «1000 na 1000», piša Politico. Pry hetym u Kijevie zaŭsiody imknucca trymać hetuju infarmacyju ŭ sakrecie da zaviaršeńnia apieracyi ź mierkavańniaŭ biaśpieki.
Abmien pačaŭsia 23 maja, i ŭžo ŭ pieršy dzień dadomu viarnulisia 390 ukraincaŭ. Pieramovy adnosna abmienu prachodzili tajemna, bo jon adbyvaŭsia kala miažy ź Biełaruśsiu, i ŭłady bajalisia ryzyki dla tych, kaho vyzvalali.
Adnak Tramp, jak tolki pračnuŭsia, apublikavaŭ post, u jakim zajaviŭ, što abmien užo zavieršany, choć nasamreč na toj momant jon jašče navat nie pačaŭsia. Pavodle krynic Politoco, jon prosta chacieŭ być pieršym, chto ab hetym paviedamić. Na ščaście, heta nie paŭpłyvała na chod padziej.
Hety abmien ličycca značnym pośpiecham u pramych pieramovach pamiž Kijevam i Maskvoj, jakija adbyvalisia pry pasiarednictvie Trampa. Ministr abarony Ukrainy Rustem Umieraŭ paśla padziei adznačyŭ, što Ukraina zastajecca addanaj idei spynieńnia ahniu i spadziajecca na padtrymku ZŠA ŭ hetym pytańni.
Pahadnieńnie pra abmien «1000 na 1000» było dasiahnuta padčas pieramoŭ u Stambule 16 traŭnia. Abmien adbyvajecca paetapna: 23 traŭnia byli vyzvaleny pa 390 čałaviek z kožnaha boku, a na nastupny dzień dadomu viarnulisia jašče 307 ukrainskich abaroncaŭ. Usiaho za dva dni — 697 čałaviek, i abmien praciahniecca zaŭtra.
Ciapier čytajuć
Vałancior «Viasny» Čapiuk raskazaŭ, jak jaho zatrymaŭ HUBAZiK adrazu na vychadzie z kałonii i jak dapytvali pra Mikołu Dziadka2
Kamientary