Kiełah: ZŠA razhladajuć mahčymaść raźmiaščeńnia zamiežnych vojskaŭ va Ukrainie
Śpiecyjalny pasłańnik prezidenta ZŠA pa Ukrainie Kit Kiełah zajaviŭ, što ŭ Vašynhtonie abmiarkoŭvajuć mahčymaść raźmiaščeńnia zamiežnych vojskaŭ va Ukrainie paśla zakančeńnia vajny. U efiry telekanała Fox News jon udakładniŭ, što havorka idzie pra vajskovy kantynhient ź Vialikabrytanii, Francyi, Hiermanii i Polščy — krain, jakija ŭvachodziać u NATA. Hetyja siły, jakija nazyvajuć «siłami stabilnaści», miarkujecca raźmiaścić na zachad ad Dniapra.
Akramia taho, pavodle Kiełaha, abmiarkoŭvajecca mahčymaść stvareńnia miratvorčaj misii dla ŭschodu Ukrainy. Udzieł u joj mohuć uziać trecija krainy, i jaje asnoŭnaja zadača — manitorynh vykanańnia režymu spynieńnia ahniu.
Kiełah taksama adznačyŭ, što pytańnie dałučeńnia Ukrainy da NATA zastajecca adkrytym, ale na hety momant takoje siabroŭstva małavierahodnaje. Mahčyma, heta adbudziecca ŭ budučyni, ale nie ciapier.
Asobnaja ŭvaha, pavodle jaho słoŭ, u pieramovach nadajecca situacyi vakoł Zaparožskaj AES, jakaja znachodzicca pad kantrolem rasijskich vojskaŭ, i viartańniu ŭkrainskich dziaciej, vyviezienych z akupavanych terytoryj.
Kiełah padkreśliŭ, što mirny praces nie budzie idealnym, spatrebiacca kampramisy i sastupki. Ale hałoŭnaje — spynić krovapralićcie, čaho, pavodle jaho słoŭ, i damahajecca Donald Tramp.
Jon dadaŭ, što heta samy maštabny kanflikt u Jeŭropie z časoŭ Druhoj suśvietnaj vajny: ahulnyja straty z abodvuch bakoŭ — zabitymi i paranienymi — užo pieravysili 1,2 miljona čałaviek.
Uitkaf i Kiełah 15 maja pajeduć u Turcyju dla ŭdziełu ŭ pieramovach
Śpiecpradstaŭnik Trampa Kiełah nazvaŭ Pucina hałoŭnaj pieraškodaj na šlachu da spynieńnia ahniu va Ukrainie
Śpiecpasłańnik Trampa zajaviŭ pra hatoŭnaść Zialenskaha da terytaryjalnych sastupak Rasii
Styŭ Uitkaf padčas sustreč z Pucinym karystaŭsia pasłuhami štatnych pierakładčykaŭ z Kramla
Kamientary