Śpiecpasłańnik Trampa zajaviŭ pra hatoŭnaść Zialenskaha da terytaryjalnych sastupak Rasii
«Jany zhodnyja na taki varyjant. Jany razumiejuć, što pry zaklučeńni pieramirja kožny bok zastaniecca na zaniatych im pazicyjach», — skazaŭ Kih Kiełah.
Kijeŭ zhadziŭsia na terytaryjalnyja sastupki dziela zaklučeńnia mirnaha pahadnieńnia, zajaviŭ śpiecpasłańnik prezidenta ZŠA pa Ukrainie i Rasii Kit Kiełah.
«Ukraina hatovaja sastupić terytoryi, jakija Rasija faktyčna zajmaje, choć i nie pryznavać heta jurydyčna nazaŭsiody. Jany zhodnyja na taki varyjant. Jany razumiejuć, što pry ŭstalavańni pieramirja kožny bok zastaniecca na zaniatych im pazicyjach», — skazaŭ jon u intervju Fox News.
«Ukraincy hatovyja admovicca ad terytoryj, jakija zaniaty rasijanami, nie de-jure, nazaŭsiody, a de-fakta, tamu što rasijanie faktyčna akupavali hetuju ziamlu. Jany zhadzilisia na heta. I jany skazali mnie heta na minułym tydni, — skazaŭ śpiecpasłańnik. — Jany razumiejuć, što pry ŭstalavańni režymu spynieńnia ahniu kožny bok zastaniecca na zaniatych im pazicyjach. Mienavita da hetaha jany hatovy», — skazaŭ jon.
U svaju čarhu Kijeŭ, pavodle słoŭ Kiełoha, «žadaje ŭsieabdymnaje i pastajannaje spynieńnie ahniu, jakoje pryviadzie da zaklučeńnia mirnaha pahadnieńnia». Śpiecpasłańnik dadaŭ, što hetaha ž damahajecca prezident ZŠA.
Ciapier čytajuć
«Moža, bajaŭsia zastavacca ŭ šlubie sa mnoj, bo pracuje na BT». Nastaŭnica, jakaja źjechała praz danosy Bondaravaj, raspaviała pra razvod i žyćcio ŭ emihracyi4
Kamientary