Ab novym filmie ŭkrainskaha režysiora Siarhieja Łaźnicy raskazaŭ kinakrytyk Anton Dolin.
Pieršy za apošnija siem hadoŭ mastacki film ukrainskaha kinarežysiora Siarhieja Łaźnicy «Dva prakurory» — vynik sumiesnaj vytvorčaści kinakampanij Francyi, Niderłandaŭ, Hiermanii, Łatvii, Litvy i Rumynii. Film, jaki ŭ hetym hodzie ŭvajšoŭ u konkursnuju prahramu Kanskaha kinafiestyvalu, źniaty pa matyvach adnajmiennaj apovieści Hieorhija Dziamidava ab stalinskich represijach.
Hałoŭny hieroj filma — małady prakuror, jaki kidaje vyklik sistemie masavaha źniščeńnia i adpraŭlajecca na pošuk spraviadlivaści, ale ŭ vyniku sam traplaje ŭ łahier.
Na novy film Siarhieja Łaźnicy źviarnuŭ uvahu kinakrytyk Anton Dolin.
«Tam apaviadajecca, jak u 1937 hodzie śledčy patrabuje ad čałavieka, aryštavanaha, adhadać, da jakoj spravy jaho chočuć «padšyć». Heta značyć, ty pavinien sam zdahadacca, pryznacca, što ty japonski špijon ci što ty trackist. Tabie padkazvać nie buduć.
Ty pavinien prydumać sabie vinu, ale nie lubuju, a tuju, jakaja ŭkładvajecca ŭ intaresy śledstva, u jakoha jość płan pa raskryćci. Treba kožny miesiac raskryć stolki trackistaŭ, a stolki japonskich špijonaŭ», —
raskryvaje niekatoryja padrabiaznaści Dolin u intervju YouTube-kanału «I hrianuŭ Hrem».
Dolin adznačaje, što Łaźnicy ŭdałosia padrabiazna pakazać absurdnaść situacyi. U hetym jaho film padobny da ramana «Praces» Franca Kafki:
«Čałavieka aryštoŭvajuć ni za što. Nie tamu, što jon u niečym vinavaty. Jon pavinien sam prydumać sabie vinu, dla taho kab dapamahčy svaim katam siabie asudzić. I tady jaho asudziać nie zanadta žorstka, tamu što, kali nie, tady jaho buduć bić, katavać i mučyć.
I jašče i prydumajuć dla jaho vinu horšuju, čym jon prydumaŭ by dla siabie. Heta kłasny, cikavy absurdyscki paradoks. I heta čysta Kafka. Tut nie treba navat pamiž imi niejkich mastkoŭ pravodzić. Kafka heta ŭsio apisaŭ u «Pracesie». Heta tak i pracuje», — davodzić Dolin.
Navošta heta patrebna? Jak tłumačyć kinakrytyk, u sistemie teroru hałoŭnaja meta — nie pakarać złačyncu, jaki na samoj spravie takim nie źjaŭlajecca, a «stvaryć mašynu teroru, jakaja stvoryć hramadstva absalutnaha pasłuchmianstva, jakoje całkam kantralavanaje, usie čałaviečyja i inšyja resursy jakoha buduć naležać sistemie».
Aficyjnaha trejlera filma pakul niama. Nievialikija roliki pradstaŭleny na sajcie Kanskaha kinafiestyvalu.
Režysior Siarhiej Łaźnica raskazaŭ, jak stvaraŭsia film «U tumanie» i čamu jaho cenzuravaŭ Minkult
Ukrainski režysior Siarhiej Łaźnica pra admienu ruskaj kultury: Heta cyrk i absurd
Uradženca Baranavič, ukrainskaha režysiora Siarhieja Łaźnicu vyklučyli z ukrainskaj kinaakademii za filmy na rasijskim fiestyvali
«Kožnaja chvilina isnavańnia paćviardžała vidavočnaje: ty — saŭdzielnik». Viadomy kinakrytyk Anton Dolin źjechaŭ z Rasii
Chrysta Hrozieŭ: Mielnikava jak minimum hod, a chutčej za ŭsio, paŭtara pieradavała infarmacyju biełaruskim śpiecsłužbam36
Kamientary