U im biaruć udzieł kala 58,5 tysiačy adzinaccacikłaśnikaŭ pa ŭsioj krainie, piša BiełTA.
Dla jaho praviadzieńnia zadziejničany 144 punkty pa ŭsioj krainie.
Vypuskniki zmohuć pravieryć svaje viedy pa ruskaj abo biełaruskaj movie, a taksama pa adnym z profilnych pradmietaŭ na vybar (fizika, matematyka, chimija, bijałohija, zamiežnyja movy, historyja Biełarusi ŭ kantekście suśvietnaj historyi, hramadaznaŭstva, hieahrafija).
Jak raniej paviedamlali ŭ Respublikanskim instytucie kantrolu viedaŭ, zadańni na repietycyjnym centralizavanym ekzamienie buduć anałahičnyja zadańniam CE, ale nie buduć ich dublavać.
Paśla prachodžańnia RCE ŭdzielniki ŭ asabistym kabiniecie na sajcie RIKV zmohuć ubačyć nie tolki svaje bały, ale i skan błanka, a taksama pravilnyja adkazy, što daść mahčymaść vykanać pracu nad pamyłkami. Sistema aceńvańnia zastaniecca niaźmiennaj.
«RCE dapamoža vypusknikam zrazumieć, jak budzie prachodzić ekzamien (ad rassadki da zapaŭnieńnia błankaŭ), acanić uzrovień svaich viedaŭ pa vybranym pradmiecie, a taksama navučycca pravilna raźmierkavać čas na ekzamienie», — adznačyli ŭ RIKV.
U Minsku ŭ repietycyi centralizavanaha ekzamienu buduć udzielničać bolš za 13 tys. adzinaccacikłaśnikaŭ.
Ciapier čytajuć
Apakalipsis zaŭtra. Statkievič napisaŭ pieršy artykuł — z papiaredžańniem pra niebiaśpieku z boku Rasii60
Kamientary