EPAM i Wargaming zapłacili ŭ Litvie minimalnyja padatki za bolš čym dva hady
Pavodle danych Dziaržaŭnaj padatkovaj inśpiekcyi Litvy za pieršy kvartał 2025 hoda, EPAM i Wargaming zastajucca najbujniejšymi padatkapłacielščykami siarod IT-kampanij u krainie, adnak sumy vypłačanych imi padatkaŭ značna źnizilisia, piša Devby.io.
Kampanija EPAM Sistemos zaniała 4-je miesca ŭ IT-siektary i zapłaciła 3,7 miljona jeŭra padatkaŭ — na 14% mienš, čym u anałahičny pieryjad 2024 hoda. Heta najmienšy pakazčyk kampanii za apošnija dva z pałovaj hady.
Źmienšylisia i kadry kampanii: z pačatku hoda EPAM skaraciła bolš za 20 supracoŭnikaŭ. U filijałach u Vilni i Koŭnie ciapier pracuje kala 1200 čałaviek, pryčym u Vilni ŭpieršyniu mienš za 1000 supracoŭnikaŭ.
U svaju čarhu, Wargaming apynuŭsia na 5-m miescy i zapłaciŭ 2,94 miljona jeŭra — taksama minimum za apošnija dva ź liš hady. Źnižeńnie składaje 2% u paraŭnańni ź minułym hodam.
Kampanija straciła za kvartał bolš za 40 supracoŭnikaŭ, i ciapier u joj pracuje 791 čałaviek.
U ahulnalitoŭskim rejtynhu padatkapłacielščykaŭ EPAM straciŭ 20 pazicyj i ciapier zajmaje 95-je miesca (raniej — 75-je). Što da Wargaming, to jon vylecieŭ z top-100 jašče letaś i ciapier znachodzicca na 127 miescy.
Što tyčycca inšych IT-kampanij u Litvie ź biełaruskimi karaniami, to ich pakazčyki ciapier takija:
-
Gurtam — zapłaciła 1,17 młn jeŭra (krychu bolš za letašni pakazčyk).
-
MA (były Melsoft) — skaraciŭ vypłaty z 1,2 da 1 młn jeŭra.
-
Flo — zapłaciŭ 0,6 młn jeŭra.
-
Belka Games — zapłaciŭ 0,1 młn jeŭra.
Prapahanda pakazała adjezd ajcišnikaŭ z vakzała ŭ 2022 hodzie, źniaty schavanaj kamieraj
Analityki panizili rejtynh akcyj EPAM da niejtralnaha
Biełaruskija kampanii ŭ Litvie praciahvajuć skaračać kamandy. Wargaming — u topie pa adtoku
Sacpakiet ajcišnika ŭ Minsku schudnieŭ? Jakimi pluškami zavablivajuć Lesta, EPAM dy inšyja
Maskoŭski sud aryštavaŭ aktyvy vydaŭca hulni «Śviet tankaŭ»
Špakoŭski pra saŭładalnika «Varhiejminha» Kacałapava: Prafinansavaŭ pratesty na 296 tysiač dalaraŭ
Što ciapier ź italjanskimi vizami? Masavyja admovy? Turfirmy nazyvajuć alternatyvu6
Što ciapier ź italjanskimi vizami? Masavyja admovy? Turfirmy nazyvajuć alternatyvu
«Kali b ja byŭ śledčym KDB, ja b padkreśliŭ toje samaje». Fiaduta — pra schavanyja sensy «Kałasoŭ pad siarpom tvaim», uvahu siłavikoŭ da svajho rukapisu i zahadku z treciaj častkaj ramana Karatkieviča1212
Kamientary