Biełaruskija kampanii ŭ Litvie praciahvajuć skaračać kamandy. Wargaming — u topie pa adtoku
Z pačatku hoda litoŭskija ofisy stracili sumarna bolš za 100 śpiecyjalistaŭ, vynikaje z danych servisu rekvizitai.vz.lt. Na pačatak hoda ŭ 20+ viadomych IT-kampanijach ź biełaruskimi karaniami było zarehistravana 3,4+ tys. supracoŭnikaŭ, ciapier ich mienš za 3,3 tys, paviedamlaje Devby.io.
Bolš za ŭsio śpiecyjalistaŭ z studzienia hetaha hoda straciŭ hiejmdev. U pryvatnaści, tolki z Wargaming i MA (eks-Melsoft LT) syšli sumarna amal 70 supracoŭnikaŭ.
Kolkaść zarehistravanych u Litvie supracoŭnikaŭ ź biełaruskimi IT-karaniami
Na siońnia ŭ litoŭskim ofisie Wargaming zarehistravany 801 čałaviek. Pry zachavańni takich tempaŭ adtoku (kala 10 supracoŭnikaŭ u miesiac) da kanca hoda litoŭskaja kamanda moža skaracicca da 700 śpiecyjalistaŭ. U toj ža čas kampanija praciahvaje najmać ludziej u litoŭski ofis. Na sajcie Wargaming raźmieščana 16 vakansij dla pracy ŭ Litvie z ukazańniem zarpłat. U zaležnaści ad pazicyi zarobak vahajecca ad 2,5 da 7 tysiač jeŭra bruta.
U MA na pačatku hoda pracavała amal 200 čałaviek, na siońnia ŭžo 160.
U top-3 pa kolkaści zvolnienych supracoŭnikaŭ u Litvie z pačatku hoda — EPAM. Za minuły hod litoŭskaja kamanda skaraciłasia amal na 180 čałaviek (minus 12,5%). Ciapier u dvuch filijałach (u Vilni i Kaŭnasie) zarehistravana kala 1,2 tysiačy supracoŭnikaŭ. Z studzienia kamanda straciła kala 20 śpiecyjalistaŭ.
Z top-10 najbujniejšych IT-kampanij ź biełaruskimi karaniami ŭ Litvie tolki ŭ dźviuch kolkaść supracoŭnikaŭ vyrasła z pačatku hoda. U litoŭskim ofisie Gurtam kamanda pavialičyłasia z 218 da 225 čałaviek, u Godel — z 90 da 99.
Za minuły hod IT-siektar Litvy straciŭ bolš za 400 biełaruskich ajcišnikaŭ. Za hety hod adtok moža apynucca takim ža.
Na adtok ajcišnikaŭ ź Litvy praciahvaje ŭpłyvać mihracyjnaja palityka litoŭskich uład u dačynieńni da biełarusaŭ.
Kamitet Siejma Litvy pa nacyjanalnaj biaśpiecy i abaronie na pačatku krasavika padtrymlivaŭ ideju anulavać vydadzienyja biełarusam dazvoły na žycharstva za zanadta častyja pajezdki dadomu — čaściej, čym raz na try miesiacy, ale rašeńnie nie było pryniataje.
Taksama za minuły hod amal 600 biełarusaŭ pryznali pahrozaj nacyjanalnaj biaśpiecy Litvy. Siarod ich jość i ajcišniki.
A za pieršy kvartał hetaha hoda ŭ Litvie stała rezka mienš biełarusaŭ z DNŽ. Pa stanie na 1 krasavika ŭ Litvie zastavałasia 53 739 hramadzian Biełarusi z dazvołam na žycharstva. Heta na 3772 čałavieki mienš, čym było na pačatku hoda. Dla paraŭnańnia, za ŭvieś 2024 hod kolkaść biełarusaŭ z DNŽ u Litvie skaraciłasia na 4656 čałaviek.
Małady biełarus nie chacieŭ siadzieć u Rasii za narkotyki, tamu prydumaŭ, jak chutka vyjści z kałonii — i vyjšaŭ na ŭkrainskija pazicyi pad Pakroŭskam44
Kamientary
A što Vy žadali ...