Historyja adbyłasia ŭ adnoj ź viosak Barysaŭskaha rajona.
65-hadovaja miascovaja žycharka padała ŭ milicyju zajavu na svaju susiedku za abrazu. Apošniaja vyrašyła adpomścić: raskazała pra situacyju svajmu bratu, jaki žyvie ŭ Barysavie, paviedamlaje telehram-kanał «Milicyja Minščyny».
Mužčyna, doŭha nie dumajučy, pryjechaŭ u viosku i prydumaŭ płan pomsty. Padbuchtoryŭšy miascovaha žychara, fihurant pieradaŭ jamu bałon mantažnaj pieny i 50 rubloŭ. Ad vykanaŭcy patrabavałasia «zamuravać» dźviery toj samaj susiedki, što paskardziłasia na svajačku mužčyny.
Poźnim viečaram viaskoviec vykanaŭ zadumanaje i źnik.
Supracoŭniki kryminalnaha vyšukuBarysaŭskaha RAUS adnavili łancužok padziej taho dnia i zatrymali padazravanych.
Pa fakcie chulihanstva ŭ dačynieńni da 30-hadovaha žychara Barysava i 25-hadovaha žychara vioski Vialikaja Uchałoda raspačata kryminalnaja sprava.
Kamientary