Nočču nad Maskvoj byli źbityja 19 dronaŭ.
Pavodle słoŭ mera Siarhieja Sabianina, bieśpiłotniki lacieli na Maskvu z roznych napramkaŭ. Mer śćviardžaje, što razbureńniaŭ na ziamli ŭ miescach padzieńnia abłomkaŭ niama, adnak dzie mienavita hetyja miescy — nie ŭdakładniaje.
Abłomki źbitaha nad Maskvoj ukrainskaha bieśpiłotnika trapili ŭ žyły dzieviacipaviarchovik, źviestak pra paciarpiełych niama.
Hubiernatar Pienzienskaj vobłaści abviaściŭ, što ŭ noč na aŭtorak nad vobłaściu byli źbityja 10 ukrainskich bieśpiłotnikaŭ
Zakryvali aeraporty Jarasłaŭla, Ivanava i Nižniaha Noŭharada, a taksama Kazani i Nižniekamska.
Minabarony RF paviedamiła, što za noč byli źbityja 105 ukrainskich BPŁA.
«32 — nad terytoryjaj Branskaj vobłaści, 22 — nad terytoryjaj Varoniežskaj vobłaści, 19 — nad terytoryjaj Maskoŭskaha rehijonu, 10 BPŁA źbita nad terytoryjaj Pienzienskaj vobłaści, 9 — nad terytoryjaj Kałužskaj vobłaści, 6 — nad terytoryjaj Biełharodskaj vobłaści, 2 BPŁA — nad terytoryjaj Lipieckaj vobłaści, 2 BPŁA — nad terytoryjaj Samarskaj vobłaści, adzin BPŁA — nad terytoryjaj Uładzimirskaj vobłaści, adzin BPŁA — nad terytoryjaj Kurskaj vobłaści, adzin BPŁA — nad terytoryjaj Rastoŭskaj vobłaści», — havorycca ŭ paviedamleńni.
Ciapier čytajuć
U čym pryčyna niezadavolenaści žycharoŭ mikrarajona Lebiadziny ŭ Minsku? Voś što nasamreč tam płanavali budavać4
U čym pryčyna niezadavolenaści žycharoŭ mikrarajona Lebiadziny ŭ Minsku? Voś što nasamreč tam płanavali budavać
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»99
Kamientary