Jon palacieŭ źniščać biezekipažnyja katary — a jany źniščyli jaho. Vajennyja karabli nie rašalisia padpłyć i padabrać lotčykaŭ, jakija katapulciravalisia.
Uviečary 2 maja nad Čornym moram byŭ źbity źniščalnik rasijskaj marskoj avijacyi Su-30. Heta adbyłosia za 50 km na zachad ad Navarasijska.
Z paviedamleńniaŭ Z-kanałaŭ vymaloŭvajecca nastupnaja karcina.
Niekalki dziasiatkaŭ ukrainskich biezekipažnych kataraŭ rušyli ŭ bok Navarasijska. Adnačasova z hetym z rajona Adesy byli zapuščanyja dziasiatki dronaŭ z celami ŭ tym ža Navarasijsku.
Rasijski Su-30, jaki adpraviŭsia na pierachop, sam trapiŭ pad ahoń z kataraŭ i byŭ źbity. Lotčyki katapulciravalisia, ale padabrać ich z vady nie było kamu. Ni vajskovyja karabli, ni viertaloty nie rašalisia padabracca na miesca zdareńnia, kab nie być padbitymi.
U vyniku lotčykaŭ zabraŭ hramadzianski suchahruz, jaki prapłyvaŭ niepadaloku. Ukraincy vyrašyli nie atakavać jaho, niahledziačy na najaŭnaść vajennaj celi na borcie.
Ciapier čytajuć
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski2121
Kamientary
"Katar" jak "karabiel" taksama sustrakajecca ŭ słoŭnikach, adnak tolki słoŭnikach pierakładaŭ ź inšych moŭ. U tłumačalnych bieł.lit.movy "katar" - tolki chvaroba, "kater" - karabiel.