«Vašynhton Kepitałz» Alaksieja Protasa vyjšaŭ u druhi raŭnd Kubka Stenli
U piatym matčy sieryi pieršaha raŭndu Kubka Stenli «Vašynhton Kepitałz» na chatniaj arenie pierajhraŭ «Manreal Kanadyjens» ź likam 4:1 i z takim ža likam vyjhraŭ sieryju.
Za «Vašynhton» zhulaŭ biełaruski forvard Alaksiej Protas, jaki raniej prapuściŭ dziesiać matčaŭ z-za traŭmy.
Jon hulaŭ na pravym fłanhu čaćviortaha źviana. Alaksiej pravioŭ na lodzie 16 chvilin 48 siekund (ź ich 1:23 u mienšaści), nanios adzin niaŭdały kidok, zabłakavaŭ adzin kidok supiernika, ździejśniŭ adzin siłavy pryjom, dapuściŭ adnu stratu i zaviaršyŭ matč z pakazalnikam karysnaści «0».
U nastupnym raŭndzie «Vašynhton» zhulaje z «Karalinaj Charykiejnz». Kłub Alaksieja Protasa ŭpieršyniu za siem hadoŭ prajšoŭ u druhi raŭnd Kubka Stenli. Apošni raz «Kepitałz» dasiahali hetaha ŭ čempijonskim siezonie 2017/18.
Alaksiej — adziny ź siami biełarusaŭ u hetym siezonie Nacyjanalnaj chakiejnaj lihi, jaki dabraŭsia da rozyhryšu Kubku Stenli.
Ciapier čytajuć
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1212
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata12
Vajb-prahramavańnie źmienić rolu raspracoŭščyka, RLVR, i kali łopnie burbałka. Biełarus-inžynier u halinie ŠI, jaki pracuje ŭ ZŠA, raskazaŭ, što nas čakaje ŭ 202633
Kamientary