Užo bolš za dva tydni Siarhiej Pryłucki znachodzicca ŭ Internacyjanalnym lehijonie. Paet raspavioŭ «Našaj Nivie», jak trapiŭ tudy.
Siarhiej šmat hadoŭ žyvie va Ukrainie — u Bučy, pra jakuju ŭ 2022 hodzie pačuŭ uvieś śviet. U toj čas piśmieńniku vielmi pašancavała. Jaho dom byŭ vielmi blizka ad aeraporta, ale Siarhiej razam ź siamjoj zmoh pažyć u kvatery siabra, jakaja znachodziłasia ŭ tym kvartale, kudy rasijanie ŭ vyniku tak i nie zajšli. A kali niedzie praz dva tydni dali «zialony kalidor», biełarus z žonkaj i maleńkim synam evakujavaŭsia.
Darečy, rasijskija vajskoŭcy zachodzili ŭ dom Siarhieja. Maradziory siarod inšaha vynieśli abraz. U mai 2022 hoda biełaruski piśmieńnik viarnuŭsia ŭ Buču.
Ciapier ža jon idzie vajavać.
— Z boku moža vyhladać, što ŭsio adbyłosia raptoŭna. Ale ž nie. Ja byŭ hatovy iści vajavać jašče ŭ 2022 hodzie — ale tady stajali vializnyja čerhi pierad vajenkamatami, byŭ surjozny adbor. Ludziej, u jakich byli niejkija pytańni sa zdaroŭjem, adsiejvali. Ja sa svaim troški nieidealnym zdaroŭjem byŭ nie taki patrebny.
Siarhiej kaža, što, paśla evakuacyi z Bučy jon staŭ na vajskovy ŭlik na novym miescy (u jaho jość ukrainskaje hramadzianstva). I z taho momantu čakaŭ, što ŭ niejki momant jaho pryzavuć.
— Kali ja viarnuŭsia ŭ Buču, było šmat biurakratyčnych pytańniaŭ. U 2024 hodzie pryniali novy zakon nakont mabilizacyi, biurakratyi stała mienš, i ja zmoh znoŭ stać na vajskovy ŭlik u Bučy. Niejak usio raściahnułasia na hod, i vyjšła, što ja trapiŭ u vojska tolki ciapier. Mianie heta nie šakavała, nie stała niejkim siurpryzam, bo ja sam šukaŭ miesca, kudy pajści słužyć.
Na pytańnie, čamu mienavita Internacyjanalny lehijon, piśmieńnik adkazvaje tak:
— Skažam tak, ja pradstaŭnik nacyjanalnaj mienšaści. Plus mnie paraili — skazali, što tam dobryja padraździaleńni. Da taho ž tam niekalki maich siabroŭ słužyć. Byli jašče varyjanty, ale ŭ ich nie prajšoŭ. Tamu spyniŭsia na Internacyjanalnym lehijonie, dzie byli patrebnyja ludzi.
Na pytańnie, jak siamihadovy syn adreahavaŭ na navinu pra toje, što tata pojdzie na vajnu, Siarhiej adkazvaje:
— Jak usie dzieci: sumuje bieź mianie. Ale jon razumieje, što adbyvajecca.
U chutkim časie ŭ Siarhieja pačniecca navučańnie ŭ vučebcy, jakoje, jon miarkuje, zojmie 45 dzion.
«Naša Niva» — bastyjon biełaruščyny
PADTRYMAĆ«Ludzi vyjšli ŭ dvor pahreć vadu ŭ kaciałku, a rasijski snajpier prastreliŭ posud, kab paździekavacca». Biełaruski paet pra žyćcio ŭ Bučy
Rasijskija sałdaty rylisia ŭ kvatery biełaruskaha paeta Pryłuckaha. Zirnicie, jak jana vyhladaje paśla hetaha
Stała viadoma, jak u Rasii žachliva katavali ŭkrainskuju žurnalistku Viktoryju Roščynu
Ciapier čytajuć
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3939
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii39
«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes1919
«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes19
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie5555
Kamientary