Stała viadoma, što apošnimi dniami ŭ ramkach tak zvanaj «śpiecvytvorčaści» zaviali novyja zavočnyja kryminalnyja spravy suprać viadomych biełaruskich dziejačaŭ, jakija ciapier znachodziacca za miažoj. U pryvatnaści, viadoma pra spravy suprać hramadska-palityčnych dziejačaŭ Alesia Łahvinca i Uładzimira Šancava, a taksama suprać pravaabaroncy Leanida Sudalenki.
Novuju kryminalnuju spravu suprać adnaho z byłych kiraŭnikoŭ Ruchu «Za Svabodu», a ciapier vykładčyka i prahramnaha dyrektara Volnaha biełaruskaha ŭniviersitetu Alesia Łahvinca Śledčy kamitet raspačaŭ paśla šerahu jahonych intervju niezaležnym ŚMI. 1 lipienia 2024 hoda jaho ŭžo zavočna asudzili da 10 hadoŭ źniavoleńnia pa tak zvanaj spravie «20 ekśpiertaŭ», a taksama dadali ŭ śpisy «ekstremistaŭ» i «terarystaŭ».
26 krasavika, try čałavieki, jakija pradstavilisia supracoŭnikami KDB, apytali cieścia i ciešču Alesia. Taksama ŭ ich prysutnaści jany apiačatali dom Łahvinca na padstavie rašeńnia śledčaha A. A. Šrubika ad 31 sakavika 2025 hoda. Novuju kryminalnuju spravu raspačali pavodle čatyroch artykułaŭ KK, pa jakich Alesia Łahvinca ŭžo sudzili letaś.
Supracoŭniki KDB vykazali zacikaŭlenaść u niepasrednym kantakcie z Alesiem, ale toj kamientuje:
«Žadańnia i patreby ŭ kamunikavańni z pradstaŭnikami niezakonnych uładaŭ ci śpiecsłužbaŭ Biełarusi ŭ mianie niama».
74-hadovaha v. a. staršyni Abjadnanaj hramadzianskaj partyi (AHP) Uładzimira Šancava źbirajucca sudzić za ŭdzieł u pieradačy «Palitbamond» na jutub-kanale 6tv Bielarus, jaki rašeńniem staršyni KDB ad 29 listapada 2023 hoda pryznany «ekstremisckim farmavańniem».
Urešcie, u dačynieńni da pravaabaroncy Leanida Sudalenki raspačali novyja kryminalnyja spravy za «inšaje sadziejničańnie ekstremisckaj dziejnaści, ździejśnienaje paŭtorna». 9 krasavika suprać jaho była zaviedziena sprava za stvareńnie i publikacyju 28 maja 2024 hoda videa «Viasna pryjdzie» na jutub-kanale Viasna96. A jašče dźvie spravy zaviali 20 i 24 lutaha — za ŭdzieł u toj ža pieradačy «Palitbamond» na jutub-kanale 6TV Bielarus.
Akazvajecca, eks-supracoŭnic Tut.by Łojku i Taŭkačovu ŭžo asudzili zavočna. Ale niajasna jak
Vynieśli bujnyja zavočnyja prysudy hrupie bajcoŭ-kalinoŭcaŭ — až da 20 hadoŭ
Słavu Kamisaranku pazbavili rasijskaha hramadzianstva
U Viarchoŭnym sudzie nie zmahli patłumačyć, kali znoŭ stanuć dastupnyja raskłady sudovych pasiadžeńniaŭ
Ciapier čytajuć
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»22
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi22
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi2
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2727
Kamientary